GEREپاکستان نے کارپوریٹ سیکٹر کیلئے LTEسروس متعارف کرادی

کراچی (اُردو پوائنٹ اخبارتازہ ترین - این این آئی۔ 23 مئی2017ء)اوجیرپاکستان(AUGERE Pakistan)نے کارپوریٹ سیکٹر کیلئے بیک وقت گیارہ شہروں میں LTEسروسز متعارف کرادی ہیں۔ AUGEREپہلی پاکستانی کمپنی ہے جس نے کارپوریٹ سیکٹر کیلئے یہ سروس متعارف کرائی ہے جس پر 10ملین ڈالر کی کثیر سرمایہ کاری کی جارہی ہے۔ AUGERE کا کارپوریٹ سیکڑ کیلئے LTEمتعارف کروانے کا مقصد کاروباری اداروں کو اپنے آپریشنز چلانے کیلئے تیز رفتار بلا تعطل وائرلیس بینڈوتھ فراہم کرنا ہے جو فی الحال پاکستان میں صرف موبائل فون صارفین کیلئے ہی دستیاب ہے۔

نئی متعارف کروائی جانے والی سروس فی صارف 100mbpsتک کی اسپیڈ فراہم کرے گی ۔منصوبے کے پہلے مرحلے میں کمپنی نیٹ ورک ڈپلائمنٹ کیلئے 10ملین ڈالر کی ابتدائی سرمایہ کاری کر رہی ہے۔

(جاری ہے)

ابتدائی طور پر یہ سروس سکھر، حیدرآباد، پشاور، کوئٹہ ، سیالکوٹ، سرگودھا، فیصل آبا، ملتان ، رحیم یار خان، گوجرانوالہ اور گجرات میں متعارف کروائی جارہی ہے جبکہ کمپنی 2017کے اختتام تک کراچی، لاہور ، اسلام آباد اور راولپنڈی میںبھی WIMAXنیٹ ورک کو اپ گریڈ کرنے کا ارادہ رکھتی ہے۔

LTE AUGEREسروس کو خاص طورایسے پر چھوٹے شہروں میں کارپوریٹ اور SME کی تیز رفتار کنیکٹویٹی اور ڈیٹا کی منتقلی کی ضروریات کو پورا کرنے کیلئے ڈیزائن کیا گیا ہے جہاں بڑے ادارے اعلیٰ ٰ صلاحیت، لامحدود حجم ، زیادہ گنجائش اور بلا تعطل بینڈوتھ فراہم کرنے کی کی ڈیمانڈ کرتے ہیں۔ اس موقع پر AUGERE کے چیف ایگزیکٹو آفیسر جمال ناصر خان نے بتایا کہ فائبر، VSAT اور ریڈیو لنکس کے مقابلے میں AUGERE LTE سروس لائسنس یافتہ فریکوئینسی پر قابل اعتماد کنیٹیویٹی کے ساتھ انتہائی کم قیمت پر فراہم کی جائیگی اور AUGEREا پنے کارپوریٹ صارفین کے 100 فیصد اطمینان کو یقینی بنانے کیلئے 24x7 ہیلپ ڈیسک قا ئم کرچکی ہے۔

AUGERE پاکستان 2010ء سے پاکستان میں کام کررہی ہے۔ کمپنی کو دنیا کے نامور بینکوں، انٹرنیٹ سروس پرووائیڈرز، FMCGs، میڈیا ہا ئوسز اور ایس ایم ای اداروں کے ساتھ کام کرنے کا وسیع تجربہ ہے۔ AUGERE نے ہمیشہ اپنی توجہ صارفین کو ایک چھت کے نیچے وائرلیس اور وائرڈ ٹیکنالوجی کے ذریعے کیریئر اور انٹرپرائز خدمات فراہم کرنے پر مرکوز رکھی ہے۔