آئی جی سندھ نے بھریا سٹی میں مبینہ پولیس مقابلے کا نوٹس لے لیا ،ڈی آئی جی میرپور خاص انکوائری آفیسر مقرر

منگل 23 مئی 2017 16:25

کراچی(اُردو پوائنٹ اخبارتازہ ترین - این این آئی۔ 23 مئی2017ء) ترجمان سندھ پولیس کے دفتر سے جاری ایک اعلامیے کے مطابق نوشہروفیروز کے علاقے "بھریا سٹی"میں مبینہ پولیس مقابلے اور ہلاک ہونے والے ڈاکو ؤں کے ورثاء کے احتجاج کے حوالے سے اخبارات میں شائع خبر پر آئی جی سندھ اے ڈی خواجہ نے نوٹس لیتے ہوئے ڈی آئی جی "میر پورخاص"کو انکوائری آفیسر نامزد کر کے تمام تر حقائق پر مشتمل تفصیلی رپورٹ طلب کرلی ہے۔

(جاری ہے)

دریں اثناء دفتر سے جاری مزید ہدایات میں آئی جی سندھ نے تھانہ ڈھرکی ڈسٹرکٹ "گھوٹکی "کے لاک اپ میں مبینہ تشدد کے واقعے میں ملزم کی ہلاکت پر ایڈیشنل آئی جی اسپیشل برانچ سندھ ولّی اللہ دل کو انکوائری آفیسر نامزد کردیا ہے اور انہیں ہدایات بھی دیں ہیں کہ انتہائی غیر جانبدارانہ اور شفاف انکوائری کی بدولت تمام تر حقائق کو سامنے لایا جائے تاکہ قانون اور انصاف کے تقاضوں کو پورا کیا جا سکے۔