ظلم و ناانصافی اور بدعنوانی کے خاتمے کے مطالبات سے پیچھے نہیں ہٹیں گے،سیاسی مخالفین کو انتقام کا نشانہ بنانے کی پالیسی جمہو ریت کی نفی ہے ،ہرکسی کو آئین وقانون کے مطابق بات کرنے کا حق ہے جو کوئی چھین نہیں سکتا ‘نوجوانوں کی طاقت تحر یک انصاف کیساتھ ہے

سابق گور نر پنجاب چوہدری محمدسرور کی پارٹی وفود سے گفتگو

پیر 22 مئی 2017 23:25

ظلم و ناانصافی اور بدعنوانی کے خاتمے کے مطالبات سے پیچھے نہیں ہٹیں ..
لاہور(اُردو پوائنٹ اخبارتازہ ترین - آئی این پی۔ 22 مئی2017ء) سابق گور نر پنجاب چوہدری محمدسرور نے کہا ہے کہ ظلم ‘ناانصافی اور بدعنوانی کے خاتمے کے مطالبات سے پیچھے نہیں ہٹیں گے ‘سیاسی مخالفین کو انتقام کا نشانہ بنانے کی پالیسی جمہو ریت کی نفی ہے ہر کسی کو آئین وقانون کے مطابق بات کر نے کا جمہو ری اور آئینی حق ہے جو کوئی چھین نہیں سکتا ‘نوجوانوں کی طاقت تحر یک انصاف اور عمران خان کیساتھ ہے اس لیے کوئی ہتھکنڈہ ملک میں تبدیلی کو نہیں روک سکتا ‘ گڈگورننس اور احتساب ہی ملک کو بحرانوں سے نکال سکتا ہے‘ آنیوالا وقت صرف تحر یک انصاف کا ہے ہم ملک کو بحرانوں سے نجات دلائیں گے ۔

وہ پیر کو پارٹی وفود سے گفتگو کر رہے تھے۔ چوہدری محمدسرور نے کہا کہ تحر یک انصاف نے ملک میں ظلم ‘ناانصافی اور کر پشن کے خلاف جو جنگ لڑ رہی ہے اسکی ماضی میں کوئی مثال نہیں ملتی ہمیں ملک میں کر پشن کے خاتمے اور شفاف احتساب کا یقین ہے اور جن لوگوں نے کر پشن کی ہے انکو اب احتساب سے کوئی طاقت نہیں بچا سکتی ۔

(جاری ہے)

انہوں نے کہا کہ صرف تحر یک انصاف ہی ملک کو بحرانوں سے نجات دلاسکتی ہے اس لیے عوام کوتحر یک انصاف کے ساتھ تبدیلی کی جنگ میں شامل رہنا چاہیے ہماری منزل قر یب آچکی ہے آنیوالا وقت تحر یک انصاف کا ہی ہوگا ۔

انہوں نے کہا کہ صرف تحر یک انصاف ہی نہیں ہرپاکستانی چاہتا ہے کہ ملک کو لوڈشیڈ نگ ‘مہنگائی اور بے روزگاری سمیت دیگر مسائل سے نجات دلا کر ترقی کی راہ پر گامزن کیا جائے۔

متعلقہ عنوان :