ملک فیصل کی تحریک انصاف میں شمولیت سے ہنہ اوڑک کے عوام کی حقیقی نمائندگی ہو گی، تحریک انصاف کوئٹہ

پیر 22 مئی 2017 23:41

کوئٹہ(اُردو پوائنٹ اخبارتازہ ترین - آن لائن۔ 22 مئی2017ء) تحریک انصا ف کے کارکنوں عبیداللہ ، زین اللہ کاکڑ اور قمر الدین کاکڑ نے کہا ہے کہ ملک فیصل کی تحریک انصاف میں شمولیت سے ہنہ اوڑک کے عوام کی حقیقی نمائندگی ہو گی ان خیالات کا اظہا رانہوں نے کوئٹہ پریس کلب میں پریس کانفرنس سے خطاب کرتے ہوئے کیا انہوں نے کہا ہے کہ تحریک انصاف کے جلسہ میں ہنہ اوڑک کے رہنماء ملک فیصل خان کاکڑ نے پاکستان تحریک انصاف میں شمولیت کا اعلان کر کے اہلیان ہنہ اوڑک کے عوام کی حقیقی نمائندگی کی ہے ہنہ اوڑک سے ملک فیصل خان کاکڑ کی شمولیت خوش آئند ہے اور عوام کی بڑی اکثریت ان کے ساتھ ہے ہم ملک صاحب کو اپنے پرے تعاون کا یقین دلا تے ہوئے امید کر تے ہیں کہ ملک فیصل خان پی ٹی آئی کے پلیٹ فارم سے ہنہ اوڑک کو درپیش مسائل ومشکلات کے حل کیلئے اپنا کردار ادا کرینگے ہنہ اوڑک کے عوام روایتی سیاست والوں سے بیزار ہے جنہوں نے ہنہ والوں کو سبز باغ دکھائے اور عملی طور پر کسی بھی مسئلہ کے حل کیلئے کوئی اقدامات نہیں کئے ۔