پاکستان نے د ہشت گردی کے خلاف جنگ میں بہت بھاری قیمت چکائی -وزیراعظم نوازشریف کی امریکی عرب اسلامک سربراہ اجلاس میں شرکت - وزیراعظم سعودی فرمانروا شاہ سلمان بن عبدالعزیز، امریکی صدر ڈونلڈ ٹرمپ اورمسلم راہنماﺅں سے ملاقاتیں - دہشت گردی کے خلاف جنگ تہذیبوں کا تصادم نہیں، ان مجرموں کے خلاف لڑرہے ہیں جو انسانیت کے محافظ مذہب کا استعمال کرتے ہیں‘ دہشت گردوں کو شکست دینا ہمارا مشترکہ مقصد ہے۔ڈونلڈ ٹرمپ
میاں محمد ندیم پیر 22 مئی 2017 08:43
(جاری ہے)
انہوں نے کہا کہ دیگر ممالک کی طرح پاکستان نے بھی ان چیلنجز سے نمٹنے کے لئے سخت فیصلے کیے جس سے گزشتہ چند سال میں دہشتگردی کے واقعات کم ترین سطح پر آئے اور دہشتگردی کے خلاف مسلح افواج نے منظم کارروائیاں کیں جب کہ پاک فوج کی بھرپور کارروائیوں سے مطلوبہ نتائج حاصل ہوئے، دہشتگردی کے خلاف ہماری کاوشیں سیاسی اور قومی اتفاق کی مثال ہیں۔
وزیراعظم نوازشریف نے کہا کہ امریکی عرب اسلامک سربراہ اجلاس کا سعودی عرب میں انعقاد خوش آئند ہے اور اس اجلاس کا حصہ بننا ہمارے لئے باعث مسرت ہے کیوں کہ پاکستان مذاہب ہم آہنگی، مکالمے اور مسلم امہ کے اتحاد پر پختہ یقین رکھتا ہے۔ انہوں نے کہا کہ صدر ٹرمپ کا پہلے غیر ملکی دورے کے لئے سعودی عرب کا انتخاب قابل تعریف ہے اورصدر ٹرمپ کے اس اقدام کی بہت اہم علامتی حیثیت ہے۔ وزیراعظم محمد نواز شریف نے کہا کہ پاکستان مسلم امہ کے اتحاد کے مذاکرات کیلئے پر عزم ہے۔ہم نے انتہا پسندی اور دہشتگردی کے خلاف حوصلے اور جوانمردی سے مقابلہ کیا ہے۔ دہشتگردی اور انتہا پسندی سے بڑھتے خطرات دنیا کے لئے چیلنج ہیں،پاک فوج نے دہشتگردی کے خلاف بھرپور کاوشیں کی ہیں۔ وزیر اعظم محمد نواز شریف نے کہا کہ فرنٹ لائن ریاست کے طور پر پاکستان نے دہشت گردی کے خلاف عالمی جنگ میں بے پناہ قربانیاں دی ہیں۔ انہوں نے کہا کہ امریکی صدر کا یہ اقدام بہت اہمیت کا حامل ہے۔انہوں نے کہا کہ بڑھتی ہوئی دہشت گردی اور انتہا پسندی اس وقت کا سب سے بڑا چیلنج ہے جو آج کی دنیا کو درپیش ہے۔انہوں نے کہا کہ پاکستان بدقسمتی سے اس تھکا دینے والی جدوجہد میں اگلے قدم کا کردار ادا کرتا آرہا ہے۔انہوں نے کہا کہ دہشت گردی کے حملوں میں ہزاروں پاکستانی شہری اور ہزاروں سیکیورٹی اہلکار شہید ،زخمی ہوئے ہیں جبکہ معاشی طور پر اربوں روپے کا نقصان ہوا ہے۔ وزیراعظم نے ملائیشین ہم منصب اور تاجکستان کے صدر سے بھی ملاقات کی انہوں نے امیر قطر، بحرین کے شاہ اور آذربائیجان کے صدر سے بھی گفتگو کی۔دوسری جانب مبصرین کا کہنا ہے کہ اس کانفرنس کے مشرق وسطیٰ اور مسلمان دنیا کے لیے دور رس مضمرات ہو سکتے ہیں۔ دوروزہ کانفرنس آج اختتام پذیرہوگی -کانفرنس کے ایجنڈے کا ذکر کرتے ہوئے بتایا گیا کہ اس سربراہ اجلاس میں شریک مختلف ملکوں کے راہنماوں کو اس بات پر غور کرنے کو موقع ملے گا کہ دنیا بھر میں دہشت گردی اور شدت پسندی پر کیسے قابو پایا جا سکے۔بیان میں اس توقع کا اظہار کیا گیا کہ دہشت گردی کو کسی مخصوص مذہب،ثقافت، تہذیب یا خطے سے الگ کیا جائے گا۔یہ کانفرنس ایک ایسے موقع پر ہورہی ہے جب مشرقی وسطیٰ اور دنیا کے دیگر ملک دہشت گردی اور انتہا پسندی کے چیلنج سے نمٹنے کے لیے اپنے طور پر کوششیں کر رہے ہیں۔قبل ازیں کانفرنس کے شرکاءسے خطاب میں امریکی صدر ڈونلڈ ٹرمپ نے اپنے خطاب میں کہا کہ دہشت گردی کے خلاف جنگ تہذیبوں کا تصادم نہیں،یہ ان مجرموں کے خلاف ہے جو انسانیت کے محافظ مذہب کا استعمال کرتے ہیں‘ دہشت گردوں کو شکست دینا ہمارا مشترکہ مقصد ہے۔انہوں نے کہا کہ عالم اسلام کو یہ لیکچر دینے نہیں آیا کہ انہیں کیسے رہنا چاہیے، کسی پر اپنی مرضی مسلط کرنا نہیں چاہتے،ہم نے ریاض میں انسداد دہشت گردی کے سینٹر کاافتتاح بھی کیا ہے۔ڈونلڈ ٹرمپ نے یہ بھی کہا کہ امریکا خود مختار ملک اور اپنے شہریوں کی حفاظت پہلی ترجیح ہے، ہم نئے دور سے گزررہے ہیں، اپنی آئندہ نسلوں کو با عزت اور محفوظ مستقبل دینا چاہتے ہیں، صرف چندماہ میں ہم نے امریکا میں 10لاکھ نوکریاں پیدا کیں۔امریکی صدر نے کہا کہ تمام مسلم ممالک کے ساتھ مل کر چلنا چاہتے ہیں،امن کے لئے نئی شراکت داریوں کی جانب بڑھنا ہو گا، انتہا پسندی کے خلاف جنگ کا مقصد کسی گروپ کو نشانہ بنانا نہیں۔ان کا کہناتھاکہ شام میں انسانیت کے دشمنوں اور داعش کا خاتمہ کرنا ہوگا، آج اربوں لوگ ہماری طرف دیکھ رہے، ہم نے دہشت گردی کا خاتمہ نہیں کیا تو مستقبل مزید خطر ناک ہو گا،اگر سب ملک کر دہشت گردوں کے خلاف لڑیں گے تو کوئی ہمیں شکست نہیں دے سکتا۔ٹرمپ نے مزید کہا کہ مشرق وسطیٰ میں مسلمانوں، یہودیوں اور عیسائیوں کو ایک دوسرے کا احترام کرنا ہوگا۔ٹرمپ نے شاندار میزبانی پر شاہ سلمان کا شکریہ ادا کیا اور کہا کہ ہم سعودی عرب کے ساتھ نئی پارٹنرشپ کا آغاز کررہے ہیں،ہمارا وژن امن و خوشحالی ہے،گزشتہ روز جو ارب ڈالرز کے معاہدے ہوئےان سے سعودی عرب کی سیکورٹی میں اضافہ ہو گا۔متعلقہ عنوان :
مزید اہم خبریں
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
-
بڑے ریسٹورنٹس 50یا 100 روپے کی روٹی فروخت کر سکتے ہیں یہ ہماری ڈومین میں نہیں آتے
-
پیپلز پارٹی کاوفاقی کابینہ کا حصہ نہ بننے کافیصلہ حتمی ہے ،بلاول بھٹو زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.