کورین آٹو کمپنی ہنڈائی کی جانب سے پاکستان میں لگژری بسیں اور ٹرک متعارف کروانے کا اعلان

محمد علی ہفتہ 20 مئی 2017 21:14

کراچی (اُردو پوائنٹ اخبارتازہ ترین۔ 20 مئی2017ء) کورین آٹو کمپنی ہنڈائی کی جانب سے پاکستان میں لگژری بسیں اور ٹرک متعارف کروانے کا اعلان کیا گیا ہے۔ تفصیلات کے مطابق کورین آٹو کمپنی ہنڈائی نے الحاج گروپ کے اشتراک سے پاکستان میں آٹو مینوفیکچرنگ پلانٹ لگانے کا اعلان کیا ہے۔ یہ پلانٹ کرچی میں قائم کیا جائے گا۔ اس مقصد کیلئے کراچی میں 30 ایکڑ زمین خرید لی گئی ہے۔

(جاری ہے)

پلانٹ میں لگژری بسیں اور ٹرک تیار کرکے پاکستان کی مارکیٹ میں ہی فروخت کیلئے پیش کیے جائیں گے۔ پلانٹ پیداوار کا آغاز اگلے 1 سال کے دوران کر دے گا۔ اس مقصد کیلئے دونوں گروپوں کی جانب سے کل 4 ارب روپے کی سرمایہ کاری کی جائے گی۔ پلانٹ میں چھوٹی سطح کے ٹرک بھی تیار کیے جائیں گے۔ پاکستان میں ہی پلانٹ لگانے کی وجہ سے لگژری بسیں اور ٹرک پاکستان کی آٹو مارکیٹ میں قدرے کم قیمت پر دستیاب ہوں گے۔