چیئرمین تحریک انصاف عمران خان کی شبقدر بم حملوں کی مذمت

صوبائی حکومت کو واقعے میں ملوث افراد کی گرفتاری کی ہدایت شرپسندی کی کوئی بھی نوعیت قابل قبول نہیں، شہریوں کی جانوں سے کھیلنے والے عناصر کی سرکوبی لازم ہے،چئیرمین پی ٹی آئی

ہفتہ 20 مئی 2017 17:55

چیئرمین تحریک انصاف عمران خان کی شبقدر بم حملوں کی مذمت

اسلام آباد(اُردو پوائنٹ اخبارتازہ ترین - آن لائن۔ 20 مئی2017ء) چیئرمین تحریک انصاف عمران خان نے کہا ہے کہ شرپسندی کی کوئی بھی نوعیت قابل قبول نہیں، شہریوں کی جانوں سے کھیلنے والے عناصر کی سرکوبی لازم ہے۔ تفصیلات کے مطابق چیئرمین تحریک انصاف نے شبقدر میں دستی بم حملوں کی شدید الفاظ میں مذمت کرتے ہوئے صوبائی حکومت کو واقعے میں ملوث افراد کی فوری گرفتاری کی ہدایت کر دی ہے ۔

(جاری ہے)

جبکہ زخمیوں کو علاج معالجے کی بہترین سہولیات کی فراہمی کی بھی ہدایت کی گئی ہے ۔ چیئرمین پی ٹی آئی عمران خان نے کہا ہے کہ شرپسندی کی کوئی بھی نوعیت قابل قبول نہیں، شہریوں کی جانوں سے کھیلنے والے عناصر کی سرکوبی لازم ہے، واقعے کی تمام پہلوؤں سے تحقیقات کی جائیں اور ذمہ داروں کا سراغ لگایا جائے، متاثرہ خاندانوں کیساتھ مکمل یکجہتی کا اظہار کرتا ہوں۔( مہر علی خان)