مشال خان کا چالیسواں آنے کو ہے قاتل کونسلر ابھی تک گرفتار نہیں ہوا، روبینہ خالد

عمران خان اور پی ٹی آئی کے تبدیلی کے کھوکھلے دعوے کہاں گئی ، رہنما پیپلز پارٹی پی ٹی آئی نے خیبرپختونخوا کی پولیس کو بے بس کر دیا ہے، عمران کے سونامی نے کے پی کے کو دکھوں کے سوا کچھ نہیں دیا ، بیان

جمعہ 19 مئی 2017 23:41

اسلام آباد (اُردو پوائنٹ اخبارتازہ ترین - آن لائن۔ 19 مئی2017ء) پاکستان پیپلزپارٹی کی رہنما سینیٹر روبینہ خالد نے کہا ہے کہ عمران خان اور پی ٹی آئی کے تبدیلی کے کھوکھلے دعوے کہاں گئی مشال خان کا چالیسواں آنے کو ہے قاتل کونسلر ابھی تک گرفتار نہیں ہوا کیونکہ کونسلر عارف کی گرفتاری میں پی ٹی آئی کی حکومت رکاوٹ ہے مشال خان کو ایک ہجوم نے سرعام قتل کیا اس جرم کے ہدایتکار ابھی گرفتار نہیں ہوئے۔

(جاری ہے)

ا نہوں نے کہا کہ پی ٹی آئی کے کونسلر کا گرفتار نہ ہونا کوئی حیران کن بات نہیں کیونکہ پی ٹی آئی نے خیبرپختونخوا کی پولیس کو بے بس کر دیا ہے۔ سینیٹر روبینہ خالد نے کہا کہ عمران خان کی سونامی کے پی کو دکھوں کے سوا کچھ نہیں دیا۔ اے پی ایس کے شہداء کے وارث ابھی تک انصاف کے منتظر ہیں۔ انہوں نے کہا کہ پاکستان پیپلزپارٹی کے پی کے عوام کے دکھوں پر مرہم رکھے گی۔ آصف علی زرداری نے پختون عوام کو شناخت دی اس لئے وہ پختون عوام کے دل کی آواز ہیں۔ انہوں نے کہا کہ پختونخوا میں شدت پسندوں کو شکست مل چکی اب شدت پسندوں کی باقیات کو شکست دینی ہے۔