نوازشریف تمہیں لوگوں کیلئےسوشل میڈیاکی آزادی کودبانےنہیں دینگے،عمران خان
پاکستان میں اب کمپنیوں کےخاندانوں کی حکومت ہے،یہ کمپنیاں امیراورعوام غریب ہورہاہے،نیوزلیکس پرنوازشریف نےپاک فوج کودنیامیں بدنام کروایا، نوازشریف کےملک سےباہرمفادات کی انکوائری کی جائے،بھارتی تاجرجندال آتاہےاورکلبھوشن کوبچالیتاہے،چیئرمین پی ٹی آئی کاعوامی جلسہ سےخطاب
ثنااللہ ناگرہ جمعہ 19 مئی 2017 19:02
(جاری ہے)
لیکن آج کیوں اتنی غربت ہے؟وہ ملک جودنیاکامیرترین ملک بن سکتاتھا۔میں نے پوری دنیادیکھی ہے۔سوئٹزرلینڈمیں صرف پہاڑہیں۔پاکستان کے پہاڑزیادہ خوبصورت ہیں۔نائجیریاملک تیل کے ذخیرے پربیٹھاہے لیکن غریب ہے۔انگریزوں سے پہلے دنیاکا23فیصدجی ڈی پی ہندوستان کاتھا۔
پھرانگریزایسٹ انڈیاکمپنی لے کرآئے۔بنگال انڈیاکاخوشحال خطہ تھا۔نشہ پور سارے برطانیہ سے امیرتھا۔لیکن انگریز200سال کی حکومت کے بعدبرطانیہ امیرترین خطہ جبکہ بنگال سب سے غریب رہ گیا۔پنجاب میں انگریزنے صرف 100سال حکومت کی لیکن پنجاب امیرخطہ رہ گیا۔انگریزوں نے یہاں سے پیسہ کمایااور برطانیہ بھیجا،جس کے نتیجہ میں ہندوستان غریب ہوتاگیا۔اب ہمارے ملک میں شریف خاندان کی کمپنی ،سندھ میں زرداری ،بلوچستان میں فضل الرحمن،اچکزئی نے کمپنی بنائی ہوئی ہے۔جبکہ خیبرپختونخواہ میں اسفندیارولی نے کمپنی بنارکھی ہے۔یہ پیسہ چوری کرکے باہربھیجتے ہیں۔بلکہ منی لانڈرنگ کرتے ہیں۔تین سال میں 800ارب منی لانڈرنگ کے ذریعے باہرگیا،منی لانڈرنگ کرکے دبئی میں پراپرٹی بنائی گئی۔انہوں نے کہا کہ امریکی ریسرچ پیپرزکے مطابق پاکستان سے سالانہ ایک ہزارارب روپیہ چوری ہوکرباہرجاتاہے۔انہوں نے کہا کہ جرمنی اور جاپان میں نوازشریف ماڈل ہوتاتووہ قومیں تباہ ہی ہوجاتیں،لیکن ان ممالک نے انسانوں پرسرمایہ کاری کی ہے۔عمران خان نے کہا کہ کلبھوشن یادیوبھارتی جاسوس نے اعتراف کیا کہ وہ بلوچستان اور کراچی میں دہشگردی پھیلاتاتھا۔جبکہ کراچی میں راایک سیاسی پارٹی کی مددکرتی تھی۔انڈیامیں اگرکوئی پاکستانی پکڑاجاتاتوکبھی آئی سی جے نہ جاتے۔بلکہ انڈیااس کوکب کاپھانسی پرلٹکاچکاہوتا۔انہوں نے کہا کہ نیوزلیکس پرنوازشریف نے پاک فوج کودنیامیں بدنام کیا،غداری کی۔یہ بات آپ کے آفس سے باہر نکلی،نوازشریف پرقوم کواعتمادنہیں رہا۔پھرجندال تاجرآپ کے پاس آیا۔جندال آتاہے اور کلبھوشن کوبچالیتاہے۔تحقیقات کی جائیں کہ نوازشریف کے ملک سے باہرکیاکیامفادات ہیں۔ہندوستان میں آپ کے یاآپ کے بچوں کے بزنس پارٹنرزہیں؟وقت آگیاہے کہ آپ قوم کوسچ بتائیں۔عمران خان نے خبردارکیاکہ نوازشریف تم نے سوشل میڈیاکی آزادی کونقصان پہنچایا،ایف آئی اے کے ذریعے نوجوانوں کی آوازبندکرنے کی کوشش کی۔ہم اعلان کرتے ہیں کہ ہم سڑکوں پرنکلیں گے،ہمیں ویسے ہی بڑی پریکٹس ہے۔فوج کوبدنام آپ نے کیا۔ہم نے نہیں کیا۔ہمیں اورہمارے نوجوانوں کومجبورنہ کرو۔ہم کسی صورت تمہیں لوگوں کی آوازکودبانے نہیں دینگے۔انہوں نے کہا کہ بلوچستان پولیس نے کہا کہ ہمیں کے پی کے پولیس کاایکٹ چاہیے۔متعلقہ عنوان :
مزید اہم خبریں
-
وائنسٹین کی سزاؤں کا خاتمہ زیادتی کا شکار خواتین کے لیے پریشان کن
-
ہماری جماعت کسی سے معافی نہیں مانگے گی
-
ہر اس مسئلے پر جوڈیشل کمیشن بننا چاہئے جہاں طاقت کے بل پر آئین قانون کی پامالی ہوئی
-
وولکر ترک کا روس سے صحافیوں پر جبروستم ختم کرنے کا مطالبہ
-
ہیٹ ویو سے پریشان شہریوں کیلئے ٹھنڈی ٹھنڈی خوشخبری
-
9 مئی کے ملزمان کو ایک سال بعد بھی کٹہرے میں کھڑا نہیں کیا گیاتو کس نے منع کیا؟
-
گوتیرش کا اسرائیل اور حماس سے جنگ بندی پر اتفاق کرنے کی اپیل
-
بعض طاقتیں بلوچستان اور ملک میں استحکام نہیں چاہتیں‘بلوچستان کے مستقبل کا لائحہ عمل طے کرنے کے لیے تمام سیاسی قوتوں سے بات چیت کریں گے.صدر آصف زرداری
-
لاہور میٹرو بس پر ڈیزل کے نرخوں میں اضافے کا بوجھ بڑھنے لگا
-
9 مئی کرنے اور کروانے والوں کو آئین کے مطابق سزا دینا ہوگی،ترجمان پاک فوج
-
پاکستان کو عالمی بینک سے 8 ارب ڈالرز ملنے کی توقع
-
نواز شریف چاہتے تھے کہ ن لیگ اپوزیشن میں آ کر بیٹھے ، حکومت پی ٹی آئی کو دیدی جائے،مولانا فضل الرحمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.