جسٹس علی باقر نجفی کی لاہور کالج فار وویمن یونیورسٹی کی مجوزہ وائس چانسلر کو نااہل ..
تازہ ترین : 1
جسٹس علی باقر نجفی کی لاہور کالج فار وویمن یونیورسٹی کی مجوزہ وائس ..

جسٹس علی باقر نجفی کی لاہور کالج فار وویمن یونیورسٹی کی مجوزہ وائس چانسلر کو نااہل قرار دینے کی درخواست پر سماعت سے معذرت

لاہور (اُردو پوائنٹ اخبارتازہ ترین۔ 19 مئی2017ء) لاہور ہائیکورٹ کے مسٹر جسٹس علی باقر نجفی نے لاہورکالج فار وویمن یونیورسٹی کی مجوزہ وائس چانسلرعظمیٰ قریشی کو نااہل قرار دینے کے لئے دائر درخواست کی سماعت سے معذرت کر لی ۔ گزشتہ روز لاہور ہائیکورٹ کے روبرو درخواست گزار غزالہ نورین کے وکیل نے موقف اختیار کیا کہ یونیورسٹیوں کے وائس چانسلرز کی تعیناتیوں کیلئے قائم کردہ کمیٹی نے عظمی قریشی کو لاہور کالج فار وویمن یونیورسٹی کی وائس چانسلر کے عہدے پر تعینات کرنے کی سفارش کی ہے، عظمیٰ قریشی متعلقہ عہدے کے لئے مطلوبہ تعلیم اور تجربہ نہیں رکھتیں لہذا عدالت ان کا نام فہرست سے خارج کرنے کا حکم دے۔

تاہم فاضل جسٹس علی باقر نجفی نے ذاتی وجوہات کی بناء پر سماعت سے معذرت کرتے ہوئے درخواست مزید سماعت کے لئے چیف جسٹس کو واپس بھجوا دی۔

مزید متعلقہ خبریں پڑھئیے‎ :

وقت اشاعت : 19/05/2017 - 18:54:13

متعلقہ عنوان :

اپنی رائے کا اظہار کریں