ہائیکورٹ نے چیف انفارمیشن کمشنر پنجاب کی تعیناتی کیلئے دائر درخواست پر پنجاب ..
تازہ ترین : 1
ہائیکورٹ نے چیف انفارمیشن کمشنر پنجاب کی تعیناتی کیلئے دائر درخواست ..

ہائیکورٹ نے چیف انفارمیشن کمشنر پنجاب کی تعیناتی کیلئے دائر درخواست پر پنجاب حکومت سے جواب طلب کر لیا

لاہو ر(اُردو پوائنٹ اخبارتازہ ترین۔ 19 مئی2017ء) لاہور ہائیکورٹ نے چیف انفارمیشن کمشنر پنجاب کی تعیناتی کے لئے دائر درخواست پر پنجاب حکومت سے جواب طلب کر لیا۔گزشتہ روزلاہور ہائیکورٹ کے مسٹر جسٹس عاطر محمود کے روبرو درخواست گزاراظہر صدیق ایڈووکیٹ نے موقف اپنایا کہ آئین پاکستان کے تحت معلومات تک رسائی ہر شہر ی کا بنیادی حق ہے،چیف انفارمیشن کمشنر کی عدم تعیناتی سے شہریوں کومعلومات تک رسائی حاصل نہیں ہورہی جو کہ آئین پاکستان اور ملکی قوانین کی سنگین خلاف ورزی ہے،چیف انفارمیشن کمشنر کا عہدہ عرصہ تین ماہ سے خالی پڑا ہے۔

لہٰذا معزز عدالت سے استدعا ہے کہ عدالت انفارمیشن کمشنر کی فوری تعیناتی کے احکامات صادر کرے۔ فاضل عدالت نے درخواست گزار کاموقف سننے کے بعد درخواست پر حکومت پنجاب سے جواب طلب کر لیا۔

مزید متعلقہ خبریں پڑھئیے‎ :

وقت اشاعت : 19/05/2017 - 18:54:10

متعلقہ عنوان :

اپنی رائے کا اظہار کریں