متوازن رپورٹنگ صحافت کا زریں اصول ہے ، گورنر سندھ
تازہ ترین : 1
متوازن رپورٹنگ صحافت کا زریں اصول ہے ، گورنر سندھ

متوازن رپورٹنگ صحافت کا زریں اصول ہے ، گورنر سندھ

میڈیا کو حکومتی پالیسیوں پر تنقید کا پورا حق حاصل ہے ،عوامی فلاح و بہبود کے کاموں کی تشہیر بھی ان کی ذمہ داریوں میں شامل ہے،محمد زبیر مثبت سوچ اور نظریہ کے ساتھ آگے بڑھا جا سکتا ہے، صحافت کا مقصد ان افکا ر و نظریات کی اشاعت ہے ، گوجرانوالہ کے صحافی وفد سے گفتگو

کراچی (اُردو پوائنٹ اخبارتازہ ترین۔ 19 مئی2017ء) گورنر سندھ محمد زبیر نے کہا ہے کہ صحافی کے لئے اصل اعزاز ا س کے نظریات ، تحریر ، افکار ، قابلیت اور ساکھ ہوتی ہے اور صحافت کا مقصد ان افکا ر و نظریات کی اشاعت و ترسیل ہے ، پاکستانی صحافی اپنی پیشہ ورانہ ذمہ داریاں بخوبی احسن ادا کررہے ہیں با الخصوص معاشرتی ناہمواریوں اور عوامی مسائل کو اجاگر کرنے میں معاون ثابت ہورہے ہیں ۔

ان خیالات کا اظہار انہوں نے گورنر ہائوس میںگوجرانولہ کے صحافیوں کے ایک پانچ رکنی وفد سے ملاقات میں کیا۔جس کی سربراہی فیصل بُٹرکررہے تھے۔ انہوں نے مزید کہا کہ وقت کے ساتھ ساتھ صحافت کی اقدار بھی بدل گئی ہے ، پاکستان میں صحافت کو نت نئے خطرات اور دبائوکا سامنا ہے اس کے باوجود صحافی اپنی پیشہ ورانہ ذمہ داریاں ادا کرنے میں شب و روز مصروف ہیں ۔

انہوں نے کہا کہ پاکستان میں جمہوریت کے استحکام اور تسلسل میں صحافی برادری کے کردار کو فراموش نہیں کیا جا سکتا ہے ، میڈیا کو حکومتی پالیسیوں پر تنقید کا پورا حق حاصل ہے لیکن عوامی فلاح و بہبود کے کاموں کی تشہیر بھی ان کی ذمہ داریوں میں شامل ہے کیونکہ متوازن رپورٹنگ صحافت کا زریں اصول ہے ۔ انہوں نے کہا کہ مثبت سوچ اور نظریہ کے ساتھ آگے بڑھا جا سکتا ہے ۔ وفد کے اراکین نے کہا کہ وزیراعظم نواز شریف کے اقدامات کے باعث کراچی میں امن و امان کی صورتحال میں نمایاں بہتری آئی ہے اور یہاں سرمایہ کاری میں بھی اضافہ ہورہا ہے ۔

مزید متعلقہ خبریں پڑھئیے‎ :

وقت اشاعت : 19/05/2017 - 18:18:36

متعلقہ عنوان :

اپنی رائے کا اظہار کریں