کراچی،رینجرز اور پولیس کا چنیسر گوٹھ میں سرچ آپریشن، 15 افراد گرفتار

جمعہ 19 مئی 2017 17:05

کراچی (اُردو پوائنٹ اخبارتازہ ترین - این این آئی۔ 19 مئی2017ء) کراچی کے علاقے چنیسر گوٹھ میں پولیس اور رینجرز نے مشترکہ سرچ آپریشن کے دوران پندرہ مشتبہ افراد کو حراست میں لے کر ان کے قبضے سے بھاری تعداد میں منشیات اور متعدد مسروقہ موٹر سائیکلیں برآمد کر لیں۔

(جاری ہے)

تفصیلات کے مطابق محمود آباد کے علاقے چنیسر گوٹھ میں پولیس اور رینجرز کی بھاری نفری نے جرائم پیشہ افراد کی موجودگی کی اطلاع پر سرچ آپریشن کیا۔

سرچ آپریشن کے دوران علاقے کے داخلی اور خارجی راستوں کو سیل کر کے گھر گھر تلاشی لی گئی۔ اس دوران پندرہ مشتبہ افراد کو حراست میں لے کر ان کے قبضے سے بھاری تعداد میں منشیات اور متعدد مسروقہ موٹر سائیکلیں برآمد کر لی گئیں۔ حراست میں لئے گئے افراد کو مزید تفتیش کیلئے تھانے منتقل کر دیا گیا ہے۔