کراچی شپ یارڈ میں پاک بحریہ کے 32 ٹن پُل ٹگ کی تعمیر کی بنیاد رکھ دی گئی
تازہ ترین : 1
کراچی شپ یارڈ میں پاک بحریہ کے 32 ٹن پُل ٹگ کی تعمیر کی بنیاد رکھ دی گئی

کراچی شپ یارڈ میں پاک بحریہ کے 32 ٹن پُل ٹگ کی تعمیر کی بنیاد رکھ دی گئی

32ٹن کے ٹگ کی تعمیر پاک بحریہ کی جہاز سازی کی صنعت میں خود انحصاری کے وژن کی عکاس ہے،وائس ایڈمرل عارف اللہ حسینی

کراچی(اُردو پوائنٹ اخبارتازہ ترین۔ 19 مئی2017ء)پاک بحریہ کے لیے تعمیر کئے جانے والی32ٹن کے بولارڈ پُل ٹگ کی بنیاد رکھنے کی تقریب جمعہ کو کراچی شپ یارڈ اینڈ انجینئرنگ ورکس میں منعقد ہوئی ۔ وائس ایڈمرل عارف اللہ حسینی ڈپٹی چیف آف نیول اسٹاف (پراجیکٹس) اس تقریب کے مہمانِ خصوصی تھے۔اس پُل ٹگ کی لمبائی 34 میٹر ہے اور وزن 481ٹن ہے جب کہ رفتار 12 ناٹس ہے۔

اس ٹگ میں مضبوط فینڈرِنگ ارینج منٹ نصب کی جائیگا جو ہر سائز کے جہاز کو کھینچنے کی بھرپور صلاحیت رکھتا ہے۔تقریب سے خطاب کرتے ہوئے مہمانِ خصوصی نے اس اہم سنگِ میل کے حصول کو حوصلہ افزا قرار دیتے ہوئے کہا کہ بلا شبہ 32ٹن کے اس ٹگ کی تعمیر پاک بحریہ کی جہاز سازی کی صنعت میں خود انحصاری کے وژن کی عکاس ہے۔ انہوں نے اس مقصد کے حصول کے لیے وزارتِ دفاعی پیداوار کی مکمل معاونت اور کراچی شپ یارڈکی انتھک محنت کو بھی سراہا۔

وائس ایڈمرل عارف اللہ حسینی نے مزید کہا کہ جہاز سازی میں خود انحصاری کے وژن کے تحت پاک بحریہ نئے جہازوں کو بحری بیڑے میں شامل کررہی ہے اورتسلسل کے ساتھ کراچی شپ یارڈ کو جہاز وں کی تعمیر کے کنٹریکٹ دے رہی ہے۔ اس سے نہ صرف پاک بحریہ کو درکار جہازوقت پر تیار کیے جاسکیں گے بلکہ اس سے پاکستان کی جہاز سازی کی صنعت کو بھی ترقی دی جاسکے گی۔

قبل ازیں ، رئیر ایڈمرل سید حسن ناصر شاہ ، مینجنگ ڈائریکٹر کراچی شپ یارڈ اینڈ انجینئرنگ ورکس نے اپنے خطبہ استقبالیہ میں کہا کہ 2014 میں بھی اسی طرز کی ایک ٹگ پاک بحریہ کے حوالے کی گئی تھی جوگرانقدر خدمات سر انجام دے رہی ہے۔ انہوں نے شپ یارڈمیں جاری منصوبوں کا ایک مجموعی جائزہ پیش کرتے ہوئے بتایا کہ شپ یارڈ فی الوقت جہاز سازی کی09 منصوبوں پر کام کر رہا ہے جن میں پاک بحریہ کے لیے فلِیٹ ٹینکر، پاکستان مًیری ٹائم ایجنسی کے لیے مًیری ٹائم پٹرول و یسلز (MPVs) ، فاسٹ اٹیک کرافٹ (میزائل)، پاک بحریہ کے لیے کثیرالمقاصد بارج اور پاکستان آرمی کے لیے برِج اِریکشن بوٹس شامل ہیں ۔

رئیر ایڈمرل سید حسن ناصر نے کراچی شپ یارڈ پراظہار اعتمادکے لئے وزارتِ دفاعی پیداوار (حکومتِ پاکستان) اور بالخصوص پاک بحریہ کا شکریہ ادا کیا۔تقریب میں حکومتِ پاکستان ، پاک بحریہ اور کراچی شپ یارڈ کے اعلیٰ حکام اور یگر عہدیداران نے شرکت کی۔
وقت اشاعت : 19/05/2017 - 16:19:35

متعلقہ عنوان :

اپنی رائے کا اظہار کریں