امریکا نے بشار الاسد سے منسلک پانچ اداروں اور پانچ اہم شخصیات کو بلیک لسٹ کردیا

بدھ 17 مئی 2017 13:48

امریکا نے بشار الاسد سے منسلک پانچ اداروں اور پانچ اہم شخصیات کو بلیک ..
واشنگٹن ۔ (اُردو پوائنٹ اخبارتازہ ترین - اے پی پی۔ 17 مئی2017ء) امریکی وزارت خزانہ نے شام میں صدر بشار الاسد کے مقرب پانچ اداروں اور پانچ مزید اہم شخصیات کو شہریوں کے خلاف تشدد میں ملوث ہونے کے الزامات کے تحت بلیک لسٹ کردیا ہے۔بدھ کو امریکی وزارت خزانہ کی طرف سے بلیک لسٹ کی گئی شامی شخصیات کی فہرست میں بشار الاسد کے قریبی ساتھی محمد عباس کا نام بھی شامل ہے۔

محمد عباس بشار الاسد کے خالہ زاد رامی مخلوف کا انتہائی قریبی ساتھی ہے۔

(جاری ہے)

رامی مخلوف پر امریکا نے سنہ 2008ء میں پابندیاں عائد کی تھیں۔امریکی وزارت خزانہ کا کہنا ہے کہ محمد عباس نامی شخص رامی مخلوف کے مالی امور کا انچارج ہے۔ اس کے علاوہ المخلوف کی قائم کردہ البستان چیئرٹی فاؤنڈیشن پر بھی پابندیاں عائد کی گئی ہیں۔بلیک لسٹ کی گئی دیگر شخصیات میں رامی المخلوف کے دو بھائی ایہاب مخلوف اور ایاد مخلوف شامل ہیں۔ ایہاب مخلوف شام میں موبائل فون سروس مہیا کرنے والی ’سیرٹل‘ کمپنی کا وائس چیئرمین ہے۔پابندیوں کی زد میں آنے والی شامی شخصیات اور اداروں کے ساتھ امریکا میں ہرطرح کا لین دن اور تعلق پر پابندی عائد کردی گئی ہے۔

متعلقہ عنوان :