نوجوان نے دوست کو قتل کرنے کے بعد لاش کے ساتھ سیلفی لی اور سنیپ چیٹ پر پوسٹ کر دی
امین اکبر منگل 16 مئی 2017 23:50
پنسلوینیا سے تعلق رکھنے والے میکسول مورٹن نے جج کو کہا کہ اسے ”ظالم“ کے طور پر یاد نہ رکھا جائے۔ اس نے 2015 میں 16 سالہ ریان منگان کے قتل کا عتراف کرتے ہوئے معذرت بھی کی۔ جج نے اسے 15 سے 30 سال قید کی سزا سنائی ہے۔
مورٹن نے عدالت میں بیان دیا کہ وہ اور ریان ہینڈ گن سے کھیل رہے تھے۔ اس نے یہ سوچتے ہوئے کہ گن خالی ہے، اسے ریان کی طرف تانا اور فائر کر دیا۔مورٹن نے بتایا کہ اس نے بعد لاش کے ساتھ سیلفی بھی لی تاکہ حادثے کا ثبوت رہے، مورٹن کے مطابق وہ بعد میں خود کو بھی قتل کرنا چاہتا تھا۔
اس سارے واقعے کو حادثہ سمجھا جا رہا تھا کہ مورٹن کے ایک دوسرے دوست نے عدالت میں اصل حقیقت بیان کردی۔
(جاری ہے)
دوسرے نوجوان نے بیان دیا کہ قتل کی شام آن لائن ویڈیو گیم کھیلتےہوئے مورٹن نے شیخی مارتے ہوئے اسے بتایا کہ اسے اس کی پہلی لاش مل گئی ہے۔
دوسرا نوجوان مذاق سمجھتا رہا لیکن مورٹن نے اسے ریان کے قتل کی خبر کا لنک اسے بھیجا اور پھر سنیپ چیٹ میسج میں اسے ریان کے ساتھ لی ہوئی سیلفی بھیج دی۔اسسٹنٹ ڈسٹرک اٹارنی ٹام گریس نے عدالت سے درخواست کی کہ اسے زیادہ سے زیادہ 40 سال کی سزا سنائی جائے لیکن مورٹن کے وکیل نے اس واقعے کو حادثہ قرار دیتے ہوئے اس کی رہائی کا مطالبہ کیا۔
جج میگن بیلیک ڈیفازیو کا کہنا ہے کہ مورٹن نے پولیس کو بلانے یا کسی کو مدد کے لیے بلانے کی بجائے لاش کے ساتھ سیلفی لی۔ پوسٹ مارٹم سے پتا چلا کہ ریان گولی لگنے کے بعد فوراً ہی نہیں مرا تھا۔ اسے بچایا جا سکتا تھا۔ جج کا کہنا ہے کہ اس مقدمے میں اگر سیلفی سامنے نہ آتی تو حالات دوسرے ہوتے۔
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.