’’جلد آرہی ہوں ‘‘، ریحام خان نے سوشل میڈیا پر پیغام جاری کر دیا

اتوار 7 مئی 2017 12:31

ایبٹ آباد(اُردو پوائنٹ اخبارتازہ ترین - آن لائن۔ 07 مئی2017ء) عمران خان کی سابقہ اہلیہ اور اینکر پرسن ریحام خان کی تازہ تصویر منظر عام پر آگئی جس میں وہ ریلوے سٹیشن پر بیٹھ کر ٹرین کا انتظار کرتی دکھائی دے رہی ہیں۔ تفصیلات کے مطابق ریحام خان نے اپنے ٹویٹر اکائونٹ پر ایک تصویر شیئر کی ہے جس کے ساتھ انہوں نے لکھا ہے کہ ’’میں بالدھر ریلوے سٹیشن پر ٹرین کا انتظار کر رہی ہوں اور جلد واپس آرہی ہوں ‘‘۔

(جاری ہے)

تصویر میں ریحام خان بالدھرریلوے سٹیشن پر موجود ہیں جو خیبر پختونخوا کے ضلع ہزارہ میں واقع ہے .تصویر میں ریحام خان بے حد خوش دکھائی دے رہی ہیں جس پر سوشل میڈیا پر بھی لوگوں کے کمنٹس آرہے ہیں۔ریحام خان کے مداحوں نے اپنے پیغامات میں لکھاہے کہ وہ ہنستی مسکراتی اور بھی زیادہ خوبصور ت نظر آتی ہیں۔یادر ہے ریحام خان نے گزشتہ روز ہری پور میں اپنے آبائی علاقے جا کر گندم کٹائی میں حصہ لیا تھا اور اس دوران ٹریکٹر بھی چلایاتھا ۔