ہواوے کنزیومر بزنس گروپ کا 2017ء کی پہلی سہ ماہی کے دوران 34.55ملین اسمارٹ فونز کی شپمنٹ کا اعلان

اسلام آباد ۔ (اُردو پوائنٹ اخبارتازہ ترین - اے پی پی۔ 04 مئی2017ء) ہواوے کنزیومر بزنس گروپ نے سال 2017ء کی پہلی سہ ماہی کے دوران 34.55ملین اسمارٹ فونز کی شپمنٹ کا اعلان کیا ہے جو کہ گزشتہ سال کے اسی عرصے کے مقابلے میں21.6فیصد زائد ہے ۔آئی ڈی سی کی رپورٹ کے مطابق اسمارٹ فونز کی عالمی مارکیٹ میں ہواوے کا شیئر مزید اضافے کے ساتھ9.8فیصد پر پہنچ گیا ہے اور ہواوے کا شمار اسمارٹ فون تیار کرنے والی دنیا کی تین بڑی کمپنیوں میں ہوتا ہے ۔

دنیاکے 52ممالک میں ہواوے کے اسمارٹ فونز کی شپمنٹ میں 50فیصد سے زائد اضافہ دیکھا گیا ہے جس میں سے 32ممالک میں ہواوے کی شپمنٹ 100فیصد زائد کی سطح پر رہی ،چین اور یورپ میں ہواوے کی شرح نمو بالترتیب 20اور 15فیصد کی سطح پر رہی جبکہ جنوب مشرقی ایشیا اور ساؤتھ پیسیفک ریجن میں ہواوے اسمارٹ فونز کی شپمنٹ میں70فیصد سے زائد رہی۔

(جاری ہے)

ہواوے کی پی نائن سیریز اور میٹ نائن سیریز کے باعث ہواوے کے اسمارٹ فونز کے بزنس میں اضافہ دیکھا گیا ،تین سو ڈالرز سے زائد مالیت کے اسمارٹ فونز میں ہواوے کی شرح نمو گزشتہ برس کے مقابلے میں11فیصد رہی،جی ایف کے کے مطابق پانچ سو ڈالرز اور زائد کی چین ،اسپین،اٹلی ،تھائی لینڈ،ملائشیا ،جنوبی افریقہ ،پولینڈ اور دیگر نمایاں ممالک کی ہائی مارکیٹ میں فروری2017ء میں ہواوے کا مارکیٹ شیئر9.7فیصد تھا جو کہ اب10فیصد کی سطح پر پہنچ گیا ہے ،ہواوے پی ٹین کے فلیگ شپ اسمارٹ فونز دنیا کی 30سے زائد مارکیٹ میں دستیاب ہے ،ہواوے کی ٹیبلٹ مارکیٹ کی کارکردگی بھی اس عرصے میں نمایاں رہی اور ہواوے ٹیبلٹ کی شپمنٹ گزشتہ برس کے اسی عرصے کے مقابلے میں70فیصد زائد رہی ۔

ہواوے کزیومر بزنس گروپ کے سی ای او رچرڈ یو کا کہنا ہے کہ ہم ہواوے اسمارٹ فونز کی اس قدر پذیرائی پر دنیا بھر میں اپنے صارفین کے بے حد مشکور ہیں ،سال2017کی پہلی سہہ ماہی میں ہواوے اسمارٹ فونز کی شپمنٹ میں نمایاں اضافہ ہواوے کے برانڈ پر صارفین کے اعتماد کا ثبوت ہے،ہواوے کی معیاری ،جدید اور تخلیقاتی ڈیوائسز دنیا بھر میں صارفین کیلئے ترجیح بنتی جارہی ہیںاور ہواوے کنزیومر بزنس گروپ آرٹیفشل انٹیلی جنس پراڈکٹس کی تیاری اور انوویشن کے عزم پر کاربند رہے گا۔