آصف زرداری کی پشاور ہائیکورٹ مالاکنڈ بار کے انتخابات میں شمشیر ایڈووکیٹ کو صدر منتخب ہونے پر مبارکباد

ہفتہ 29 اپریل 2017 21:17

اسلام آباد(اُردو پوائنٹ اخبارتازہ ترین - آئی این پی۔ 29 اپریل2017ء) پاکستان پیپلزپارٹی پارلیمنٹیرینز کے صدر اور سابق صدر پاکستان آصف علی زرداری نے پشاور ہائی کورٹ مالاکنڈ بار کے انتخابات میں پاکستان پیپلزپارٹی کے رہنما شمشیر علی ایڈووکیٹ کو صدر منتخب ہونے پر مبارکباد دی ہے۔

(جاری ہے)

پارٹی کے صدر نے شمشیر علی ایڈووکیٹ کے منتخب ہونے پر خوشی کا اظہار کرتے ہوئے کہا ہے کہ پاکستان پیپلز پارٹی 1973ء کے آئین کی خالق ہے اور پاکستان پیپلزپارٹی نے اٹھارہویں ترمیم کے ذریعے 1973ء کے آئین کو اصل صورت میں بحال کیا ہے۔ سابق صدر نے بار کے ممبران کا بھی شکریہ ادا کیا جنہوں نے پیپلز لائر فورم کے امیدوار کو ووٹ دے کر کامیاب کیا۔