پشاور،گرمی کی شدت میں اضافہ :

پنکھوں ، ائیر کولر اور ائیر کنڈیشن کی مانگ میں اضافہ،قیمتیں آسمان کو چھونے لگیں

ہفتہ 29 اپریل 2017 16:50

پشاور(اُردو پوائنٹ اخبارتازہ ترین - آن لائن۔ 29 اپریل2017ء) گرمی کی شدت میں اضافہ کے بعد پنکھوں ، ائیر کولر اور ائیر کنڈیشن کی مانگ میں اضافہ کے باعث قیمتیں بڑھا دی گئی ہے ۔ گزشتہ سال کی نسبت قیمتوں میں پچاس فیصد تک اضافہ ہو گیا ہے اور متوسط طبقہ خریداری سے محروم ہیں ۔

(جاری ہے)

ائیر کنڈیشن کی قیمت میں پانچ ہزار سے پچیس ہزار روپے تک کا اضافہ ہو گیا ہے گرمی کا پارہ چڑھتے ہی تاجروں نے رواں سیزن بٹورنے کے لئے پنکھوں ، ائیر کولر اور ائیر کنڈیشنز کی قیمتوں میں خودساختہ طور پر اضافہ کیا ہے جبکہ مینو فیکچر کی جانب سے ابھی تک قیمتوں میں اضافہ نہیں کیا ہے تاہم دکانداروں نے گزشتہ سا ل کا سٹاک بھی نئی قیمتوں پرفروخت کرنا شروع کردیا ہے ۔

خیبر بازار ، قصہ خوانی ، ہشتنگری ، دلہ زاک روڈ ، یونیورسٹی روڈ ، حیات آباد سمیت شہر کے مختلف مقامات میں پیڈسٹل فین ، ائیر کولر ، ائیر کنڈیشن کی قیمتوں میں اضافہ کے باعث شہریوں کو مشکلات کاسامنا کرنا پڑ رہا ہے