عمران خان قائداعظم کا حوالہ دینے سے پہلے عدلیہ اور قانون کا احترام کرنا اور سچ بولنا سیکھیں ،ْآصف کرمانی

ہفتہ 29 اپریل 2017 13:55

اسلام آباد (اُردو پوائنٹ اخبارتازہ ترین - این این آئی۔ 29 اپریل2017ء) وزیر اعظم کے معاون خصوصی برائے سیاسی امور ڈاکٹر آصف کرمانی نے کہا ہے کہ عمر ان خان قائداعظم کا حوالہ دینے سے پہلے عدلیہ اور قانون کا احترام کرنا اور سچ بولنا سیکھیں۔

(جاری ہے)

ایک بیان میں انہوں نے کہا کہ عمران خان کو اللہ سے یہ بھی دعا کر نی چاہیے کہ اللہ انہیں سچ بولنے کی بھی توفیق عطا فرمائے،قائداعظم آئین اور قانون پر عمل کرنیو الے سچے اور کھرے عظیم انسان تھے،عمران خان قائداعظم کا حوالہ دینے سے پہلے عدلیہ اور قانون کا احترام کرنا اور سچ بولنا سیکھیں۔

انہوں نے کہا کہ عمران خان کی طبیعت کچھ ٹھیک نہیں لگتی،تقریر کے بعد پارٹی کے لوگ انہیں کسی صحت افزاء مقام پر لے جائیں،عمران خان جھوٹ بول بول کر تھکے تھکے دکھائی دیتے ہیں،کپتان کو آرام کی سخت ضرورت ہے۔ آصف کرمانی نے کہا کہ سٹیج پر بیٹھے ہوئے چلے ہوئے کارتوس ہیں،مودی سے ملاقات میں عمران خان نے کشمیر کا ذکر تک نہیں کیا۔