فلم انڈسٹری کے نامور مزاحیہ اداکار منور ظریف کو ہم سے بچھڑے 41 برس بیت گئے

منور ظریف دو فروری 1940 کو گوجرانوالہ میں پیدا ہوئے ،ْ معروف کامیڈین ظریف کے بھائی تھے

ہفتہ 29 اپریل 2017 11:55

فلم انڈسٹری کے نامور مزاحیہ اداکار منور ظریف کو ہم سے بچھڑے 41 برس بیت ..

لاہور (اُردو پوائنٹ اخبارتازہ ترین - این این آئی۔ 29 اپریل2017ء) 29 اپریل 1976 کو 36 برس کی عمر میں داغ مفارقت دینے والے فلم انڈسٹری کے نامور مزاحیہ اداکار منور ظریف کو ہم سے بچھڑے 41 برس بیت گئے۔منور ظریف دو فروری 1940 کو گوجرانوالہ میں پیدا ہوئے وہ معروف کامیڈین ظریف کے بھائی تھے۔

(جاری ہے)

انھوں نے اپنے 16 سالہ فلمی کیرئیر میں 300 سے زائد اردو اور پنجابی فلموں میں اپنی اداکاری کے جوہر دکھائے۔ انھوں نے رنگیلا کے ساتھ جوڑی بنائی اور پرستاروں کے دلوں میں گھر کر لیا۔واضح رہے کہ منور ظریف نے 36 سال عمر پائی اور 29 اپریل 1976 کو لاہور میں انتقال پا گئے ،ْ منور ظریف کی آخری فلم کا گانا ’’ پل بھر دی ہوے تے پاویں سوسال زندگی گزاروں ہس کے بہت مشہور ہوا۔