عمران خان 10ارب روپے کی پیشکش کرنے والے کا نام بتائیں یاپھر سیاست سے آئوٹ ہونے کیلئے تیار ہوجائیں، جلسہ دن کی روشنی ، موسیقی کی تقاریب رات کی تاریکی میں ہوتی ہیں ، تمام چلے ہوئے کارتوس پی ٹی آئی جلسے کے سٹیج پر موجود ہیں

وزیراعظم کے معاون خصوصی آصف کرمانی کا پی ٹی آئی کے جلسے پر ردعمل کااظہار

جمعہ 28 اپریل 2017 23:33

عمران خان 10ارب روپے کی پیشکش کرنے والے کا نام بتائیں یاپھر سیاست سے ..

اسلام آباد(اُردو پوائنٹ اخبارتازہ ترین - آئی این پی۔ 28 اپریل2017ء) وزیراعظم کے معاون خصوصی ڈاکٹر آصف کرمانی نے کہا ہے کہ جس شخص نے عمران خان کو 10ارب روپے کی پیشکش کی وہ اس کا نام بتائیں یاپھروہ سیاست سے آئوٹ ہونے کے لئے تیار ہوجائیں، جلسہ دن کی روشنی میں ہوتا ہے ،رات کو صرف موسیقی کی تقاریب ہوتے ہیں ،چلے ہوئے تمام کارتوس پی ٹی آئی جلسے کے سٹیج پر موجود ہیں۔

(جاری ہے)

جمعہ کو پی ٹی آئی کے جلسے پر ردعمل دیتے ہوئے آصف کرمانی نے کہا کہ پی ٹی آئی کا جلسہ نہیں بلکہ موسیقی کی تقریب ہے کیونکہ جلسے دن کی روشنی میں ہوتے ہیں راتوں کے اندھیرے میں نہیں ،جلسے صرف مسلم لیگ (ن) کر سکتی ہے ۔انہوں نے کہا کہ چلے ہوئے تمام کارتوس پی ٹی آئی جلسے کے سٹیج پر موجود ہیں،جن کو کوئی اپنی پارٹی میں رکھنے کو تیار نہیں ایسے سب لوگوں کو عمران خان نے اکٹھا کیا ہوا ہے ۔آصف کرمانی نے کہا کہ جس شخص نے عمران خان کو 10ارب روپے کی پیشکش کی اس کا نام بتائیں ورنہ سیاست سے آئوٹ ہونے کیلئے تیار رہیں ۔