شریف خاندان کا عدالت میں سامنا کرنے کیلئے تیار ہوں

10 ارب روپے کی پیش کش لے کر آنے والے شخص کو بھی پیش کش کی گئی تھی کہ اگر عمران خان کو منا لیا تو 2 ارب روپے اسے بھی دیے جائیں گے: عمران خان

محمد علی جمعہ 28 اپریل 2017 22:09

اسلام آباد (اردوپوائنٹ اخبارتازہ ترین۔28اپریل2017ء) عمران خان کا کہنا ہے کہ شریف خاندان کا عدالت میں سامنا کرنے کیلئے تیار ہوں۔ تفصیلات کے مطابق تحریک انصاف کی جانب سے اسلام آباد کے پریڈی گراونڈ میں بڑے عوامی اجتماع کا انعقاد کیا گیا ہے۔ عوامی اجتماع سے خطاب کرتے ہوئے تحریک انصاف کے سربراہ عمران خان کا کہنا تھا کہ وہ شریف خاندان کا عدالت میں سامنا کرنے کیلئے تیار ہیں۔

(جاری ہے)

10 ارب روپے کی پیش کش لے کر آنے والے شخص کا نام نہیں بتا سکتا ورنہ اس کیخلاف ن لیگ انتقامی کاروائی کرے گی۔ لیکن اگر شریف خاندان اس معاملے کو عدالت کے کر جا رہا ہے تو پھر وہ بھی عدالت جانے کیلئے تیار ہیں۔ وہ عدالت میں اس معاملے کی تمام تفصیلات پیش کریں گے۔ عمران خان نے جلسے کے دوران ایک نیا انکشاف کرتے ہوئے بتایا ہے کہ 10 ارب روپے کی پیش کش لے کر آنے والے شخص کو بھی پیش کش کی گئی تھی کہ اگر عمران خان کو منا لیا تو 2 ارب روپے اسے بھی دیے جائیں گے۔