آرمی چیف جنرل قمر جاوید باجوہ کا گوجرانوالہ گریژن کا دورہ

گوجرنوالہ کورکی آپریشنل تیاریوں ، آپریشنل ردالفساد پر پیش رفت اور مردم شماری کے حوالے سے تفصیلی بریفنگ دی گئی عظیم قوم کی حمایت سے اپنے ملک کو ہر رنگ و نسل کے فسادیوں سے پاک کر دینگے ، سربراہ پاک فوج

جمعہ 28 اپریل 2017 22:59

آرمی چیف جنرل قمر جاوید باجوہ کا گوجرانوالہ گریژن کا دورہ

راولپنڈی(اُردو پوائنٹ اخبارتازہ ترین - این این آئی۔ 28 اپریل2017ء) آرمی چیف جنرل قمر جاوید باجوہ نے دہشتگردی کیخلاف جنگ جاری رکھنے کے عزم کا اعادہ کرتے ہوئے کہا ہے کہ عظیم قوم کی حمایت سے اپنے ملک کو ہر رنگ و نسل کے فسادیوں سے پاک کر دینگے ۔آئی ایس پی آر کے مطابق چیف آف آرمی سٹاف جنرل قمر جاوید باجوہ نے جمعہ کو گوجرانوالہ گریژن کا دورہ کیا ۔

(جاری ہے)

آرمی چیف کو گوجرنوالہ کورکی آپریشنل تیاریوں ، آپریشنل ردالفساد پر پیش رفت اور مردم شماری کے حوالے سے تفصیلی بریفنگ دی گئی ۔ جنرل قمر جاوید باجوہ نے گوجرانوالہ گریژن کے افسروں سے خطاب بھی کیا ۔بعد ازاں آرمی چیف نے پسرور کینٹ کا بھی دورہ کیا ۔ افسروں اور جوانوں سے گفتگو کرتے ہوئے پاک فوج کے سربراہ نے فوجیوں کی تیاری اور بلند مورال کو سراہا۔ آرمی چیف نے اس عزم کا اعادہ کیا کہ دہشتگردی کیخلاف ہماری جنگ جاری رہے گی اور عظیم قوم کی حمایت سے ہم اپنے ملک کو ہر رنگ و نسل کے فسادیوں سے پاک کردیں گے ۔ قبل ازیں گوجرانوالہ پہنچنے پر کور کمانڈر لیفٹننٹ جنرل اکرام الحق نے آرمی چیف کا استقبال کیا ۔