مجھے 10ارب کی پیش کش کرنے والوں نے ججوں کو خریدنے کی کوشش بھی کی ہو گی، ججز کو خراج تحسین پیش کرتا ہوں، عمران خان
آصف علی زرداری کرپشن کا برانڈ نام ہے، اس کے ساتھ مل کر تحریک نہیں چلا سکتا بلاول کے ساتھ اتحاد ہو سکتا ہے، وہ دن گئے جب فوج کہتی تھی ہم آ جائیں گے اب فوج نہیں آئے گی وزیراعظم مستعفی نہ ہوئے تو جے آئی ٹی آزادانہ کام نہیں کر سکے گی۔ چھانگا مانگا کا واقع سامنے ہے۔ سیاستدان بکتے ہیں، نجی ٹی وی سے گفتگو
جمعرات 27 اپریل 2017 23:45
(جاری ہے)
چھانگا مانگا والا واقعہ ہمارے سامنے ہوا۔
سیاستدانوں کی قیمتیں لگا لی گئیں۔ انہوں نے کہا کہ 10ارب روپے کی آفر کرنے والا شخص 2ہفتے قبل مجھ سے ملنے آیا۔ اس کا نام نہیں بتاؤں گا۔ نام بتایا تو یہ لوگ اس شخص کے خلاف انتظامی کارروائی کریں گے۔ اگر میں مان لیتا تو آفر کرنے والے شخص کو 2ارب ملتے۔ عمران خان نے کہا کہ نواز شریف نے مجھی10ارب کی آفر کی ہے تو پانامہ کیس سننے والے 5ججز کو کتنی کی ہو گی اور ججوں پر کتنا دباؤ ڈالا ہو گا۔ 5رکنی ججز کو خراج تحسین پیش کرتا ہوں۔ انہوں نے کہا کہ نواز شریف نیہر جگہ لوگوں کو رشوت دی ہے۔ ہر جگہ نجم سیٹھی جیسے لوگ بیٹھے ہوئے ہیں۔ منی لانڈرنگ میں ملوث شخص نیشنل بینک کا صدر بنا دیا ہے۔ نواز شریف ہر ادارے کو تباہ کر رہے ہیں۔ انہوں نے کہا کہ جے آئی ٹی وزیراعظم کے ما تحت کے لئے شفاف تحقیقات کرے گی۔ کل اسلام آباد میں وزیراعظم سے استعفیٰ کا مطالبہ کریں گے۔ تمام اداروں پر نواز شریف کا کنٹرول ہے۔ ادارے کام کیسے کریں گے۔ عمران خان نے کہا کہ پانامہ کیس سیاسی کیس نہیں ہے۔ منی لانڈرنگ کا کیس ہے۔ سالانہ10ارب روپے منی لانڈرنگ کے ذریعے پاکستان کا پیسہ باہر جاتا ہے۔ انہوں نے کہا کہ آرمی چیف سے ملاقات کے دوران آرمی چیف نے واضح کیا ہے کہ وہ جمہوریت کے ساتھ ہیں۔ بری جمہوریت کو ہمیں بہتر کرنے کی ضرورت ہے۔ وہ دن گئے جب فوج کہتی تھی کہ ہم آ جائیں گے۔ انہوں نے کہا کہ ڈان لیکس کا نتیجہ کچھ نہیں نکلا اور کھودا پہاڑ نکلا چوہا جیسی بات ہوئی۔ ڈان لیکس سے مایوسی ہوئی ہے۔ اس سے قبل میمو گیٹ اسکینڈل پر بھی کوئی کارروائی نہیں ہوئی۔ ڈان لیکس معاملہ صرف فوج کا معاملہ نہیں بلکہ قومی معاملہ ہے۔ میمو گیٹ میں کچھ ہوا اور نہ ڈان لیکس میں کچھ ہوا۔ انہوں نے کہا کہ پانامہ کیس کرپشن اور منی لانڈرنگ کا کیس ہے، پانامہ کیس پاکستان کے مستقبل کا کیس ہے۔2ہفتوں بعد جے آئی ٹی کی رپورٹ سامنے آئے گی۔ پتہ چل جائے گا کہ کیس کس طرف جا رہا ہے۔ کیس کے فیصلے کا ہر شخص انتظار کر رہا ہے۔ قطری شخص کو5ججز نے مسترد کر دیا ہے۔ قطری خط پیش کر کے ججوں کے سامنے گلط بیانی کی گئی۔ عدالت میں جھوٹ بولنے پر جیل کی سزا ملتی ہے۔ قطری خط سے نواز شریف جھوٹے ثابت ہوئے ہیں۔ قطری خط میں طوطا مینا کی کہانی پیش کی گئی۔ منی لانڈرنگ کیس میں اسحاق ڈار سے بھی تفتیش ہونی چاہیئے۔ چیئر مین تحریک انصاف نے کہا کہ ہم نے عوام کے پاس جانا ہے کہ وزیراعظم جھوٹ بول رہے ہیں ۔ وزیر اعظم کو استعفیٰ دینا چہایئے۔ کرپشن اور منی لانڈرنگ سے عوام کا پیسہ چوری ہو جاتا ہے۔ اگر قطری خط مسترد ہو جائے تو نواز شریف لندن فلیٹ سمیت کسی بھی بیرون ملک جائیداد کی منی ٹریل نہیں دے سکیں گے۔ انہوں نے کہا کہ سارے پاکستان میں جلسے کریں گے اور لوگوں کو بتائیں گے کہ ان کا پیسہ چوری ہوا ہے۔ کل اسلام آباد میں بڑی مقدار میں لوگ نکلیں گے۔ انہوں نے کہا کہ کرپشن اور منی لانڈرنگ سے ملک مقروض ہوتا ہے اور آئی ایم ایف ٹیکس لگاتا ہے۔ آئی ایم ایف نے کل ہی کہا ہے کہ 40ارب کے ٹیکسز مزید لگائیں گے۔ چوری کوئی کرتا ہے بوجھ عوام پر پڑتا ہے۔ انہوں نے کہا کہ میں نے آصف زرداری کے خلاف بیان نہیں دیتا تھا لیکن آصف زرداری نے کہا کہ میں میچور سیاستدان نہیں ہوں۔ آصف زرداری کی اس بات کا جواب دیا ہے۔ آصف علی زرداری کرپشن کا برانڈ نام ہے۔ بلاول کے ساتھ مل کر کرپشن کے خلاف احتجاج ہو سکتا ہے زرداری کے ساتھ مل کر نہیں۔ انہوں نے کہا کہ ساری قوم کو پتہ چل گیا ہے کہ نواز شریف جھوٹے ہیں اور اب جھوٹے بھی ثابت ہو جائیں گے۔ اس لئے نواز شریف کو عوام اب ووٹ نہیں دیں گے۔ آئندہ انتخابات کے بعد چاروں صوبوں سمیت مرکز میں بھی تحریک انصاف کی حکومت ہو گی۔ 2018ء میں دھاندلی نہیں ہونے دیں گے۔ انہوں نے کہا کہ مجھے سمجھ نہیں آتی کہ ہندوستان کا ہم سے تعلق ہے یا نواز شریف سے ذاتی تعلق ہے۔ جندال کا نواز شریف سے ذاتی طور پر ملاقات کیوں ہوئی، دفتر خارجہ کے ذریعے ہونی چاہیئے تھی۔۔( علی)متعلقہ عنوان :
مزید اہم خبریں
-
ٹیکس نیٹ بڑھانے اورحکومتی ملکیتی اداروں کی نجکاری کویقینی بنائیں گے
-
دبئی میں مقیم پاکستانیوں کے لیے پاکستان قونصل خانہ دبئی کا بڑا اعلان
-
ترقی پذیر ممالک میں توانائی کی منتقلی کو تیز کرنے کے لئے فنانسنگ اور سرمایہ کاری کو متحرک کرنے کے لئے بین الاقوامی تعاون کو بڑھایا جانا چاہئے، پاکستانی سفیر برائے متحدہ عرب امارات
-
کمیشن نے مجھ سے بالکل نہیں پوچھا کہ دھرنے کے پیچھے فیض حمید تھے یا نہیں؟
-
وزیر خارجہ محمد اسحاق ڈار کو جمہوریہ چیک کے وزیر خارجہ کا ٹیلی فون، باہمی دلچسپی کے علاقائی اور عالمی امور پر روابط اور بات چیت کو بڑھانے پر اتفاق
-
موسم گرما کی مناسبت سے اسکولوں کے نئے اوقات کار کا اعلان
-
نوازشریف، آصف زرداری اورعمران خان اگرمل بیٹھیں تو مسائل حل ہوسکتے ہیں
-
خلیجی ممالک میں ریکارڈ توڑ بارشوں کا باعث بننے والے سسٹم نے بلوچستان پہنچ کر تباہی مچا دی
-
شاہد خاقان عباسی اچھے آدمی ہیں،انہیں پارٹی میں بیٹھ کر اپنی بات کرنی چاہیئے
-
وفاقی وزیر نجکاری سے ترک سفیر کی ملاقات، ملکی وعالمی صورتحال پر تبادلہ خیال
-
وزیرخزانہ کی مشرق وسطی و شمالی افریقہ کے وزراء و گورنرز کی ایم ڈی آئی ایم ایف سے ملاقات میں شرکت
-
صدر مملکت سے ترک سفیر کی ملاقات، دو طرفہ تعاون مزید بڑھانے پر زور
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.