وزیراعظم کی زیرصدارت مشاورتی اجلاس،پاناماکیس اورسیاسی صورتحال پرتبادلہ خیال

اسلام آباد (اردوپوائنٹ اخبارتازہ ترین۔آئی پی اے۔27اپریل2017ء) : وزیراعظم محمدنوازشریف کی زیرصدارت اعلیٰ سطحی مشاورتی اجلاس ہوا،جس میں پاناما کیس کے فیصلے کے بعد پیدا ہونے والی صورتحال پر مشاورت کی گئی،جبکہ عمران خان کے10 ارب روپے کی پیش کش کا دعویٰ بھی مستردکیاگیا۔میڈیارپورٹس کے مطابق قانونی ماہرین نے وزیراعظم نوازشریف کوعمران خان کے 10ارب روپے الزامات سے متعلق تفصیلی بریفنگ دی۔

(جاری ہے)

قانونی ماہرین نے وزیراعظم کوعمران خان کے خلاف قانونی چارہ جوئی کامشورہ بھی دیا۔ نوازشریف قانونی ماہرین کے مشورے پرجلدحتمی فیصلہ کرینگے۔شرکاء اجلاس نے کہا کہ بہتان تراشی اور الزامات عمران خان کاوطیرہ ہے۔عمران جھوٹ بول کرآرٹیکل62اور63 کےتحت نااہل ہوسکتےہیں۔ تاہم عمران خان الزامات لگاکرعدالتوں سمیت ہرجگہ غلط ثابت ہوئے۔اس موقعہ پروزیراعظم نوازشریف نے کہا کہ ہمیشہ خودکوعدالت اور عوام کے سامنے احتساب کیلئے پیش کیا۔انہوں نے کہا کہ جھوٹ اور بہتان ہمیشہ ناکام ہواہے۔