پی ٹی آئی کو خط لکھ کر پی آئی ڈی میں پریس کانفرنس سے متعلق قواعد سے آگاہ کردیا گیا تھا، مریم اورنگزیب

جمعرات 27 اپریل 2017 16:35

اسلام آباد (اُردو پوائنٹ اخبارتازہ ترین - آئی این پی۔ 27 اپریل2017ء) وزیرمملکت برائے اطلاعات مریم اورنگزیب نے کہا ہے کہ پی ٹی آئی کو خط لکھ کر پی آئی ڈی میں پریس کانفرنس سے متعلق قواعد سے آگاہ کردیا گیا تھا،کل کو یہ کہیں کہ ہمیں وزیراعظم ہائوس آنے دیا جائے یا پریدیڈنٹ ہائوس میں بیٹھنے دیا جائے ان کو اس عادت اور روئیے کو ختم کرنا چاہیے،پی ٹی آئی اداروں کو دھمکی دینا بند کرے،حکومت طریقے اور ضوابط سے چلتی ہے۔

(جاری ہے)

جمعرات کو نجی ٹی وی چینل سے گفتگو کرتے ہوئے مریم اورنگزیب نے کہا کہ پی ٹی آئی کی طرف سے اجازت مانگی گئی تھی،وزارت اطلاعات نے انہیں خط لکھ کر قواعد بتائے کہ رولز کے تحت کون کون پی آئی ڈی میں کس صورتحال میں پریس کانفرنس کرسکتاہے،کل کو یہ کہیں کہ ہمیں وزیراعظم ہائوس آنے دیا جائے یا پریدیڈنٹ ہائوس میں بیٹھنے دیا جائے ان کو اس عادت اور روئیے کو ختم کرنا چاہیے اور اداروں کو دھمکی دینا بند کرے،کچھ طریقے اور ضوابط سے حکومت چلتی ہے۔