صوبائی حکومت سے اختیارات اور وسائل بلدیاتی اداروں اور میئر کو منتقل کئے جائیں ،ْایم کیو ایم کی سپریم کورٹ درخواست دائر

جمعرات 27 اپریل 2017 14:03

صوبائی حکومت سے اختیارات اور وسائل بلدیاتی اداروں اور میئر کو منتقل ..
اسلام آباد(اُردو پوائنٹ اخبارتازہ ترین - این این آئی۔ 27 اپریل2017ء) ایم کیو ایم پاکستان نے سپریم کورٹ میں پٹیشن دائر کردی ہے جس میں استدعا کی گئی ہے کہ صوبائی حکومت سے اختیارات اور وسائل بلدیاتی اداروں اور میئر کو منتقل کئے جائیں۔ایم کیو ایم پاکستان کے سربراہ فاروق ستار نے سپریم کورٹ میں پٹیشن دائر کی جس میں عدالت سے استدعا کی گئی کہ سندھ حکومت اختیارات اور وسائل بلدیاتی اداروں اور میئر کو منتقل کرے۔

(جاری ہے)

سپریم کورٹ کے باہر میڈیا سے بات کرتے ہوئے فاروق ستار نے کہا کہ ہم نے اپنی درخواست میں عدالت سے استدعا کی کہ آئین کے آرٹیکل 144 اے کی روح کے مطابق اختیارات اور وسائل سندھ حکومت بلدیاتی اداروں اور میئر کو منتقل کیے جائیں، آرٹیکل 140 (ای) پرعمل کیا جائے، اختیار صوبے سے بلدیاتی اداروں اور کونسل کو منتقل کئے جائیں۔فاروق ستار کے مطابق سندھ کا نام نہاد بلدیاتی نظام بہت بڑا فریب ہے ،ْمیئر اور بلدیاتی ادارے نمائشی ہیں کیونکہ سارے وسائل اور اختیارات صوبے کے پاس ہیں، اختیارات صوبوں سے نچلی سطح پر منتقل کئے جائیں ،ْ اختیارات کو گلیوں اور محلوں تک پہنچایا جاسکتا ہے۔