دوسروں پر بے بنیاد اور جھوٹے الزامات لگانا پاکستان تحریک انصاف کے چیرمین عمران خان کی عادت ہے ،ْ ڈاکٹر مصدق

چیئر مین پی ٹی آئی عوام کو اپنی پر آسائش زندگی اور ہیلی کاپٹر میں سفر کرنے کے ذرائع بھی بتائیں ،ْترجمان وزیر اعظم

جمعرات 27 اپریل 2017 14:02

دوسروں پر بے بنیاد اور جھوٹے الزامات لگانا پاکستان تحریک انصاف کے چیرمین ..

اسلام آباد (اُردو پوائنٹ اخبارتازہ ترین - این این آئی۔ 27 اپریل2017ء) وزیراعظم کے ترجمان ڈاکٹر مصدق ملک نے کہا ہے کہ دوسروں پر بے بنیاد اور جھوٹے الزامات لگانا پاکستان تحریک انصاف کے چیرمین عمران خان کی عادت ہے۔ ایک انٹرویو میں انہوں نے کہا کہ قومی اداروں اور اپنے سیاسی مخالفین کو نقصان پہنچانا عمران خان کی عادت میں شامل ہے۔

(جاری ہے)

انہوں نے کہا کہ پی ٹی آئی کی قیادت کا رویہ انتہائی عجیب و غریب ہے کیونکہ وہ انتخابی دھاندلی کیلئے بنائے گئے جوڈیشل کمیشن سمیت سپریم کورٹ کے پاناما کے فیصلے پر بھی اختلاف رائے رکھتے ہیں اور اپنی مرضی کے فیصلے چاہتے ہیں حالانکہ عدالت میں فیصلے ثبوتوں کی بنیاد پر ہوتے ہیں۔

ترجمان وزیراعظم کے مطابق عمران خان کو چاہیئے کہ وہ عوام کو اپنی پر آسائش زندگی اور ہیلی کاپٹر میں سفر کرنے کے ذرائع بھی بتائیں۔ ایک سوال کے جواب میں انہوں نے کہا کہ ڈان لیکس کے متعلق رپورٹ ابھی آنی ہے جو عوام کے سامنے پیش کی جائیگی۔ انہوں نے کہا کہ رپورٹ کے آنے سے قبل کسی پر اس کی ذمہ داری ڈالنا غیر سنجیدہ اور نامناسب ہے۔