دمشق ہوائی اڈے کے فوجی اہداف پر اسرائیلی بمباری

ایران کی سپورٹ والے ہوائی اڈے کو نشانہ بنایاگیا،دھماکے کے بعد بلند ہوتے شعلوں کی ویڈیوجاری

جمعرات 27 اپریل 2017 12:22

دمشق(اُردو پوائنٹ اخبارتازہ ترین - این این آئی۔ 27 اپریل2017ء) اسرائیل نے دمشق کے بین الاقوامی ہوائی اڈے میں واقع فوجی نوعیت کے اہداف پر جمعرات کی صبح پانچ فضائی حملے کئے ۔

(جاری ہے)

اس امر کا انکشاف روسی خبر رساں ادارے نے کیا،لندن میں قائم انسانی حقوق آبزرویٹری کے مطابق اسرائیلی حملوں کے بعد دمشق بین الاقوامی ہوائی اڈے پر زور دار دھماکے سنے گئے جس کے بعد حملوں کی جگہ سے آگے کے مرغولے اٹھتے دیکھے گئے۔

آبزرویٹری کے مطابق دھماکوں کی وجوہات معلوم نہیں ہو سکیں۔ادھر برطانوی خبر رساں ایجنسی نے شامی اپوزیشن کے حوالے سے بتایا کہ دمشق ہوائی اڈے کے اس حصے کو نشانہ بنایا گیا ہے جسے ایران کی سپورٹ اور حمایت حاصل ہے۔الغوطہ میڈیا سینٹر نے دھماکے کے بعد ایک ویڈیو جاری کی ہے جو کافی دور سے بنائی گئی ہے۔