احسان اللہ احسان نے پاکستان کو غیر مستحکم کرنے کیلئے مخاصمانہ غیر ملکی ایجنڈے اور عزائم کو بے نقاب کردیا ہے، ڈائریکٹر جنرل آئی ایس پی آر میجر جنرل آصف غفور

بدھ 26 اپریل 2017 19:20

راولپنڈی ۔ (اُردو پوائنٹ اخبارتازہ ترین - اے پی پی۔ 26 اپریل2017ء) ڈائریکٹر جنرل انٹر سروسز پبلک ریلیشنز (آئی ایس پی آر) میجر جنرل آصف غفور نے کہا ہے کہ احسان اللہ احسان نے پاکستان کو غیر مستحکم کرنے کیلئے مخاصمانہ غیر ملکی ایجنڈے اور عزائم کو بے نقاب کر دیا ہے۔

(جاری ہے)

بدھ کو اپنے ایک ٹوئیٹ میں انہوں نے کہا کہ ہمارے نوجوان ہماری طاقت ہیں وہ کبھی ایسے عزائم کا شکار نہیں بنیں گے۔ واضح رہے کہ احسان اللہ احسان نے حال ہی میں مادروطن کی سیکورٹی فورسز کے سامنے سرنڈر کیا تھا اور آئی ایس پی آر نے بدھ کو اس کا اعترافی بیان جاری کیا جس میں اس نے پاکستان کو غیر مستحکم کرنے کے مذموم ایجنڈے کو حاصل کرنے کیلئے دشمن قوتوں کے عزائم کو بے نقاب کیا۔