کراچی ،دہشت گردی کا بڑا منصوبہ ناکام،رینجرز سے مقابلے میں خاتون سمیت 5دہشت گرد ہلاک ،4اہلکار زخمی
اردو بازار گلی نمبر تین کی ایک عمارت پر چھاپے کے دوران دہشت گردوں نے رینجرز کو دیکھتے ہی دستی بموں اور خودکار ہتھیاروں سے حملہ کردیا مقابلے کے دوران اردو بازار کا علاقہ کئی گھنٹوں تک میدان جنگ بنارہا ، دھماکے کے نتیجے میں مبینہ دہشت گردوں کیساتھ موجود تقریبا 5سالہ بچہ بھی ہلاک دہشت گردوں کے زیراستعمال فلیٹ کو سیل کردیاگیا، تحقیقات کیلئے فلیٹ کے مالک اور دہشت گردوں کے چار ضامنوں سمیت 10افراد کو حراست میں لے لیا چائے کے ہوٹل کا مالک فلیٹ کا بھی مالک ،رشتے داروں کورہائش کیلئے دیا ہوا تھا،بڑی تعداد میں خود کار اسلحہ، گولیاں اور دستی بم برآمد ہوئے
منگل 25 اپریل 2017 16:48
(جاری ہے)
گرفتار دہشت گرد کی نشاندہی پر رینجرز نے 24 اپریل کی شام 7 بجکر 17 منٹ پر اردو بازار گلی نمبر تین کی ایک عمارت پر چھاپہ مارا جس کے بعد عمارت میں چھپے مبینہ دہشت گردوں نے رینجرز کو دیکھتے ہی دستی بموں اور خودکار ہتھیاروں سے حملہ کردیا۔
ترجمان نے مزید بتایا کہ حملے کی زد میں آکر رینجرز کے 4 اہلکار زخمی بھی ہوئے جس کے بعد رینجرز نے فورا عمارت کا محاصرہ کرلیا۔رینجرز کی جانب سے جاری بیان میں یہ بھی بتایا گیا کہ محاصرہ کرنے پر 4 دہشت گردوں بشمول ایک خاتون نے خود کو ایک کمرے میں محصور کرلیا۔یہ بھی بتایا گیا کہ مشتبہ دہشت گردوں اور رینجرز کے درمیان 7 گھنٹوں تک فائرنگ کا تبادلہ ہوا جو رات 2 بجکر 45 منٹ تک جاری رہا۔رینجرز کے مطابق اس دوران ملزمان نے وقفے وقفے سے تین دھماکے بھی کیے جبکہ فرار ہونے کی کوشش میں ایک مبینہ دہشت گرد رینجرز کی گولیوں کا نشانہ بن گیا اور دیگر تین نے مبینہ دہشت گردوں نے خود کو دھماکے سے اڑالیا۔ترجمان نے بتایا کہ دھماکے کے نتیجے میں مبینہ دہشت گردوں کے ساتھ موجود تقریبا 5 سالہ بچہ بھی ہلاک ہوگیا جبکہ مکان سے بڑی تعداد میں خود کار اسلحہ، گولیاں اور دستی بم برآمد ہوئے۔رینجرز کے مطابق ایک دہشت گرد کی شناخت محمد زاہد کے نام سے ہوئی جبکہ دھماکے کی وجہ سے لاشیں مسخ ہونے جانے سے دیگر کی شناخت نہ ہوسکی۔قبل ازیں پولیس حکام کے مطابق سیکیورٹی اہلکاروں اور ملزمان کے درمیان فائرنگ اور دستی بم حملے کے واقعے میں 4 رینجرز اہلکار، ایک دکاندار اور ایک راہ گیر بچہ زخمی ہوا۔ذرائع کے مطابق دہشت گردوں کے زیراستعمال فلیٹ کے مالک کو سیکورٹی ادارے نے محمودآباد سے گرفتارکرلیا ہے۔ جبکہ فلیٹ کو بھی رینجرزنے سیل کردیا ہے۔ذرائع کے مطابق چائے کے ہوٹل کا مالک فلیٹ کا بھی مالک ہے، اس نے اپنے رشتے داروں کورہائش کے لیے فلیٹ دیا تھا جنہوں نے دو سے تین ماہ قبل یہاں رہائش اختیار کی تھی ۔قریبی رہائشیوں کا کہنا ہے کہ ان کا علاقے میں کسی سے ملنا جلنا نہیں تھا۔ذرائع کے مطابق دو سے ڈھائی ماہ قبل دہشت گرد اس فلیٹ میں منتقل ہوئے تھے،متعلقہ تھانے میں کرایہ داری ایکٹ کے تحت اندراج نہیں تھا۔ذرائع کے مطابق مارے جانے والے دہشت گرد چائے فروش کی مدد سے اس فلیٹ میں روپوش تھے۔دوسری جانب ڈی آئی جی سائوتھ آزاد خان نے فارنزک ٹیم کے ہمراہ فلیٹ کا دورہ کیااور واقعے کی جگہ کا جائزہ لیا۔ڈی آئی جی سائوتھ کے مطابق تحقیقاتی حکام ،فارنزک ٹیم کے سروے اور شواہد جمع کرنے کے بعد کارروائی کو مزید آگے بڑھایا جائے گا۔مزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.