Live Updates

عمران خان،راولپنڈی کاشیطان اور مکار مولوی جے آئی ٹی کو دبائو میں لانا چاہتے ہیں‘ رانا ثناء اللہ

منگل 25 اپریل 2017 16:48

عمران خان،راولپنڈی کاشیطان اور مکار مولوی جے آئی ٹی کو دبائو میں لانا ..
لاہور (اُردو پوائنٹ اخبارتازہ ترین - این این آئی۔ 25 اپریل2017ء) صوبائی وزیر قانون و پارلیمانی رانا ثناء اللہ خاں نے کہا ہے کہ عمران خان،راولپنڈی کاشیطان اور مکار مولوی جے آئی ٹی کو دبائو میں لانا چاہتے ہیں، یہودی ٹولہ معاشرے میں نفرت کے بیج بونا چاہتا ہے ، اختلافی نوٹ کو فیصلہ ثابت کرنے کی کوشش توہین عدالت ہے ، سپریم کورٹ کو نوٹس لینا چاہیے ۔

پنجاب اسمبلی کے احاطہ میں میڈیا سے گفتگو کرتے ہوئے رانا ثنا اللہ نے کہا کہ ایک طرف شیطان اور دوسری طرف مکار مولوی ہے جو کہ جے آئی ٹی کو پر اثر انداز ہونا چاہتے ہیں لیکن ان کاآئی ٹی پر اثر انداز نہ ہونے کو یقینی بنایا جائے گا۔ انہوں نے کہا کہ عمران خان کے سوشل میڈیا پر پیغام سے سازش واضح ہوجاتی ہے،لاتوں کے بھوت باتوں سے نہیں مانتے، اختلافی نوٹ کوسپریم کورٹ کافیصلہ ثابت کرنیکی کوشش کی جا رہی ہے اور امید ہے کہ سپریم کورٹ منفی ہتھکنڈوں کا مکمل نوٹس لے گی۔

(جاری ہے)

انہوں نے کہا کہ سپریم کورٹ کا فیصلہ ہی فیصلہ ہوتا ہے،اطالوی ناول کو آسمانی صحیفہ ثابت کرنے کی کوشش کر رہے ہیں، یہودی ٹولہ اس معاشرے میں نفرت کا بیج بونا چاہتا ہے، تحریک انصاف پہلے سپریم کورٹ کودبائو میں لانے کی کوشش کرتی رہی ہے،جے آئی ٹی میرٹ پرکام کرکے حقائق قوم کے سامنے لائے،مگر یہ لوگ چاہتے ہیں جے آئی ٹی میرٹ پر کام نہ کرسکے۔رانا ثنا اللہ نے مزید کہا کہ کرپشن کیخلاف آصف زرداری کی مہم قیامت کی نشانی ہے، اعتزاز احسن ہمیشہ سے انتہائی منافق اور ذہانت فروش انسان ہیں۔
Live عمران خان سے متعلق تازہ ترین معلومات