کراچی،پاک کالونی میں منشیات پیک کرنے کی فیکٹری پکڑی گئی، 8 ملزمان گرفتار

منگل 25 اپریل 2017 11:37

کراچی (اُردو پوائنٹ اخبارتازہ ترین - آئی این پی۔ 25 اپریل2017ء) کراچی کے علاقے پاک کالونی میں پولیس نے کارروائی کرتے ہوئے منشیات پیک کرنے کی فیکٹری پکڑی لی۔ کارروائی میں آٹھ ملزمان گرفتار جبکہ اسلحہ اور منشیات کی بھاری مقدار بھی پکڑی گئی۔ منشیات کے گڑھ سمجھے جانے والے علاقے پاک کالونی میں پولیس نے کارروائی کرتے ہوئے منشیات پیکنگ کی فیکٹری پکڑی لی۔

(جاری ہے)

ایس ایس پی سینٹرل مقدس حیدر کے مطابق کارروائی پاک کالونی کی کچی بستی میں کی گئی۔ جہاں منشیات فروشوں نے منشیات کی پیکنگ کے لیے فیکٹری بنا رکھی تھی۔ کارروائی کے دوران 8 ملزم گرفتار کیے گئے۔ انٹیلی جنس معلومات کی بنیاد پر کی گئی کاروائی میں اسلحہ اور منشیات کی بڑی مقدار بھی ہاتھ آئی۔ ملزموں نے اسلحہ اور گولیاں ایک شاپنگ بیگ میں چھپا رکھِی تھیں۔ پولیس نے ملزموں کو تفتیش کیلئے نامعلوم مقام پر منتقل کر دیا ہے۔