سابق گورنر پنجاب و سینئر سیاستدان ملک غلام مصطفیٰ کھر پی ٹی آئی میں شامل

تحریک انصاف کی قیادت اور منشور سے مکمل متفق ہوں، عمران خان مستقبل کے پاکستان کے معمار ہیں،غلام مصطفی کھر ذاتیات سے بالاتر ہوکر پاکستان کے لیے کھڑے ہونے کا وقت ہے، عمران خان کی مصطفی کھر کی پارٹی میں شمولیت کا خیر مقدم

پیر 24 اپریل 2017 23:32

سابق گورنر پنجاب و سینئر سیاستدان ملک غلام مصطفیٰ کھر پی ٹی آئی میں ..

اسلام آباد(اُردو پوائنٹ اخبارتازہ ترین - آن لائن۔ 24 اپریل2017ء) سابق گورنر پنجاب و سینئر سیاستدان ملک غلام مصطفیٰ کھر نے پاکستان تحریک انصاف (پی ٹی آئی) میں شمولیت کا اعلان کردیا۔ملک غلام مصطفیٰ کھر نے اسلام آباد میں چیئرمین تحریک انصاف عمران خان سے ملاقات کی، جس میں انہوں نے پی ٹی آئی میں شمولیت کا اعلان کیا۔

(جاری ہے)

غلام مصطفیٰ کھر کا کہنا تھا کہ تحریک انصاف کی قیادت اور منشور سے مکمل متفق ہوں، عمران خان مستقبل کے پاکستان کے معمار ہیں اور نئے پاکستان کی تعمیر میں عمران خان کے شانہ بشانہ رہوں گا۔

اس موقع پر عمران خان نے غلام مصطفیٰ کھر کے تحریک انصاف میں شمولیت کے فیصلے کا خیر مقدم کرتے ہوئے کہا کہ ’ذاتیات سے بالاتر ہوکر پاکستان کے لیے کھڑے ہونے کا وقت ہے، جبکہ مراعات یافتہ طبقے پر ذمہ داری عائد ہوتی ہے کہ وہ ملک کے مستقبل کے لیے عام آدمی سے بڑھ کر کردار ادا کرے۔‘انہوں نے کہا کہ ’جنوبی پنجاب کی تعمیر اور محرومیوں کا ازالہ تحریک انصاف کی ترجیح ہے اور رہے گی۔‘۔