آئندہ 24گھنٹوں کے دوران خیبر پختونخوا ، اسلام آباد ، پنجاب ، فاٹا، کشمیر اور گلگت بلتستان میں کہیں کہیں آندھی اور گرج چمک کی ساتھ بارش کا امکان ہے،محکمہ موسمیات

پیر 24 اپریل 2017 11:35

اسلام آباد ۔ (اُردو پوائنٹ اخبارتازہ ترین - اے پی پی۔ 24 اپریل2017ء) محکمہ موسمیات کے مطابق آئندہ 24گھنٹوں کے دوران خیبر پختونخوا ، اسلام آباد ، پنجاب ، فاٹا، کشمیر اور گلگت بلتستان میں کہیں کہیں جبکہ کوئٹہ ، ژوب، سبی، نصیر آباد ڈویژن میں چند مقامات پر تیز ہواوں،آندھی اور گرج چمک کیساتھ بارش اور بعض مقامات پر ژالہ باری کا بھی امکان ہے۔

ملک کے دیگر علاقوں میں موسم گرم اور خشک رہے گا۔

(جاری ہے)

رپورٹ کے مطابق گزشتہ 24 گھنٹوں میں خیبر پختونخوا، پنجاب، گلگت بلتستان اور کشمیر میں کہیں کہیں تیز ہوائوں/آندھی اور گرج چمک کیساتھ بارش ہوئی۔ سب سے زیادہ بارش مالم جبہ میں50 ملی میٹر، پٹن 32، کوہاٹ 30، کالام 23، چراٹ 13، بالاکوٹ 10، پشاور9، لوئر دیر 8، سیدو شریف، بنوں 7، چترال 6، کاکول 3 ، دروش 2، ساہیوال 27، ٹوبہ ٹیک سنگھ15، کوٹ ادو12، لاہور، فیصل آباد، شور کوٹ 07، سرگودھا، ملتان، بہاولپور 6، گوجرانوالہ، جوہرآباد، قصور، جھنگ 4، منڈی بہاؤالدین، اوکاڑہ 3، راولپنڈی2، کامرہ، سیالکوٹ، لاہور، منگلہ، میانوالی، ڈی جی خان، بہاولپور ایک، استور21، بگروٹ 14، بونجی 12، چلاس 7،گلگت 5، مظفر آباد 5، گڑھی دوپٹہ 4 اور کوٹلی میں ایک ملی میٹر بارش ریکارڈ کی گئی ہے۔