شوبز نیوز*

اداکارہ سونم کپور کو قومی ترانے بھولنے پر سوشل میڈیا پر شدید تنقید کا سامنا

اتوار 23 اپریل 2017 17:00

ممبئی(اُردو پوائنٹ اخبارتازہ ترین - آن لائن۔ 23 اپریل2017ء) بالی ووڈ اداکارہ سونم کپور کو اپنا قومی ترانہ بھولنے پر بھارتی عوام کی جانب سے سوشل میڈیا پر شدید تنقید کا نشانہ بنایا گیا۔بھارتی میڈیا رپورٹس کے مطابق بالی ووڈ اداکارہ سونم کپورنے اپنے ایک کالم میں بھارتی قومی ترانے کا ذکرکرتے ہوئے کہا تھا کہ ہم جو بچپن اپنا قومی ترانہ بہت پڑھتے تھے ہمیں ایک بار پھراسے ذہن میں لانا چاہیئے جس کی ایک لائن ’ہندو، مسلم، سکھ ،عیسائی ‘ بھی تھی۔

اداکارہ کے اس کالم کے بعد ان کے مداحوں نے ہی انہیں خوب تنقید کا نشانہ بنایا کیونکہ ’ہندو، مسلم، سکھ ،عیسائی جیسا کوئی بھی جملہ بھارت کے قومی ترانے میں شامل نہیں ہے۔ اداکارہ کے قومی ترانہ بھولنے پر ان کے مداحوں نے سماجی رابطے کی ویب سائٹ ٹوئٹر پرمختلف قسم کے خیالات اورغصے کا اظہار کیا۔

(جاری ہے)

ایک مداح نے بھارت کا پورا قومی ترانہ لکھا اورکہا کہ ٹارچ کی مدد سے بھی ’ہندو، مسلم، سکھ ،عیسائی والی لائن دیکھنا چاہی لیکن ایسی کوئی لائن نظر نہیں آئی۔

ایک اور مداح نے سونم کو تنقید کا نشانہ بناتے ہوئے لکھا کہ پہلے ہمیں اپنی رائے کے اظہار کی آزادی تھی تاہم اب ہمیں اپنا قومی ترانہ منتخب کرنے کی بھی آزادی مل چکی ہے جب کہ اس مداح نے اداکارہ کا شکریہ بھی کیا۔ایک اور مداح نے لکھا کہ مجھے نہیں معلوم تھا کہ اب تک میں غلط قومی ترانہ پڑھتا رہا ہوں۔ انہوں نے اداکارہ کوصحیح قومی ترانہ بتانے پر شکریہ بھی ادا کیا۔

متعلقہ عنوان :