ساٹھ پاکستانی تارکین وطن یونان سے واپس ترکی بھیج دئیے گئے

ملک بدرکیے گئے تمام پاکستانیوں کی پناہ کی درخواست مستردہونے کے بعد معاہدے پر عمل کیاگیا،یونانی حکام

اتوار 23 اپریل 2017 13:40

ایتھنز(اُردو پوائنٹ اخبارتازہ ترین - این این آئی۔ 23 اپریل2017ء) یورپی یونین اور ترکی کے مابین طے شدہ مہاجرین کی ڈیل کے تحت یونانی حکام نے مزید ساٹھ تارکین وطن کو ملک بدر کر کے واپس ترکی بھیج دیا ہے۔ ان تارکین وطن کا تعلق پاکستان سے تھا۔

(جاری ہے)

میڈیارپورٹس کے مطابق یونانی پولیس نے بتایاکہ یہ تارکین وطن غیر قانونی طور پر بحیرہ ایجئن کے سمندری راستوں کے ذریعے ترکی سے یونانی جزیروں تک پہنچے تھے۔ حالیہ دنوں کے دوران ہی ان افراد کی سیاسی پناہ کی درخواستیں مسترد کر دی گئی تھیں جس کے بعد یورپی سرحدوں کے نگران ادارے ’فرنٹیکس‘ کی نگرانی میں ان تارکین وطن کو ایک بحری جہاز میں سوار کر کے یونانی جزیرے کوس سے ترکی کے ساحلی علاقے ڈیکیلی پہنچا دیا گیا۔