کراچی،عزیز آباد میں زیر زمین چھپائے گئے اسلحے کی بھاری مقدار برآمد

لال قلعہ گرائونڈ میں سکیورٹی اہلکاروں کی کارروائی ، اسلحہ شہر میں دہشتگردی کی واردات کیلئے استعمال کیا جانا تھا

اتوار 23 اپریل 2017 11:20

کراچی (اُردو پوائنٹ اخبارتازہ ترین - آئی این پی۔ 23 اپریل2017ء) کراچی میں بدامنی پھیلانے کا منصوبہ ناکام بنا دیا گیا ، سیکیورٹی اداروں نے عزیز آباد میں کارروائی کر کے دہشتگردی کیلئے گراؤنڈ میں چھپایا اسلحہ برآمد کرلیا ہے۔

(جاری ہے)

عزیز آباد کے علاقے لال قلعہ گراؤنڈ میں زیر زمین اسلحے کی موجودگی کی خفیہ اطلاع پر قانون نافذ کرنے والے ادارے نے کارروائی کی۔ سیکورٹی اہلکار ڈھائی گھنٹے تک گراؤنڈ میں موجود رہے۔ زمین میں چھپایا گیا اسلحہ برآمد کر لیا گیا۔ کارروائی کے بعد برآمد ہونے والا اسلحہ نامعلوم مقام پر منتقل کر دیا گیا۔ قانون نافذ کرنے والے ادارے کے مطابق اسلحہ ایک عسکری گروپ نے شہر میں دہشتگردی کے لئے چھپایا تھا۔