مسلم لیگ (ن) نے گالی گلوچ بریگیڈ قائم کر رکھا ہے،قمرزمان کائرہ

ہفتہ 22 اپریل 2017 13:54

اسلام آباد (اُردو پوائنٹ اخبارتازہ ترین - آئی این پی۔ 22 اپریل2017ء) پاکستان پیپلزپارٹی کے رہنما قمرزمان کائرہ نے کہا ہے کہ مسلم لیگ (ن) نے گالی گلوچ بریگیڈ قائم کر رکھا ہے، کہاں میاں صاحب چھانگا مانگا کی داستان دوبارہ کھلوانا چاہتے ہیں،گالی گلوچ بریگیڈ گھبرا کر ذاتیات پر اتر آئے ہیں،کسی کا خاندان چھپا ہوا نہیں ہے،میاں صاحب ان کی زبانیں بند کریں،کس کا ظرف کیا ہے ہماری زبان مت کھلوائیں۔

(جاری ہے)

ہفتہ کو عابد شیر علی کے بیان کے ردعمل میں قمر زمان کائرہ نے کہا کہ مسلم لیگ (ن) نے گالی گلوچ بریگیڈ قائم کر رکھا ہے، کہاں میاں صاحب چھانگا مانگا کی داستان دوبارہ کھلوانا چاہتے ہیں،گالی گلوچ بریگیڈ گھبرا کر ذاتیات پر اتر آئے ہیں۔انہوں نے کہا کہ میاں صاحب ہم سے ماضی کے قصے سننا چاہتے ہیں،کسی کا خاندان چھپا ہوا نہیں ہے،میاں صاحب ان کی زبانیں بند کریں،پیپلزپارٹی کے جائز مطالبے پر ان کو تکلیف ہے،کس کا ظرف کیا ہے ہماری زبان مت کھلوائیں۔