وزیراعلیٰ بلوچستان نواب ثناء اللہ خان زہری کی زیر صدارت صوبائی کابینہ کا اجلاس ، بلوچستان ایجوکیشن انڈومنٹ فنڈکو 6ارب روپے سے بڑھا کر 8ارب روپے ، بلوچستان ماس ٹرانزٹ اور گرین بس اتھارٹی کا قیام، ڈرنکنگ واٹر سپلائی پالیسی /اسٹریٹجی اور ایکشن پلان ، پاپولیشن پالیسی بلوچستان2015-2025 اور بلوچستان نان فارمل ایجوکیشن پالیسی 2016 کی منظوری
جمعہ 21 اپریل 2017 23:53
(جاری ہے)
صوبائی کابینہ نے رویت ہلال کمیٹی کے حوالے سے قانون سازی کا اختیار وفاقی حکومت کو دینے کی قرارداد صوبائی اسمبلی میں پیش کرنے کی منظوری بھی دی۔
بلوچستان انڈومنٹ فنڈ کے حوالے سے بریفنگ دیتے ہوئے صوبائی کابینہ کو بتایا گیا کہ 2013 میں پانچ ارب روپے کی سیڈ منی سے قائم کئے گئے فنڈ کے قیام کا مقصد بلوچستان کے غریب اور ہونہار طلباء کو حصول تعلیم کے لیے سکالرشپ کی فراہمی ہے، اس سال انڈومنٹ کی سیڈ منی کو 5ارب سے بڑھا کر 6ارب کیا گیا ہے جبکہ کابینہ نے انڈومنٹ فنڈ میں 2ارب روپے کی مزید اضافے کی منظوری دی، اجلاس کو بتایا گیا کہ گذشتہ سال انڈومنٹ فنڈ سے حاصل ہونے والے 13کروڑ روپے سے میٹرک تاپی ایچ ڈی 5ہزار 5 سو طلباء کو سکالرشپ فراہم کئے گئے جبکہ اس سال 45کروڑ روپے سے 15ہزار سے زائد طلباء کو مالی معاونت فراہم کی جائے گی، کابینہ نے ہدایت کی کہ دیہی علاقوں کے ہونہار طلباء کو شہری علاقوں کے طلباء کے مساوی اسکالرشپ فراہم کئے جائیںاور طلباء کی آگاہی کے لیے اخبارات اور دیگر ذرائع سے مہم شروع کی جائے تاکہ زیادہ سے زیادہ طلباء اسکالرشپ کے لیے درخواستیں دے سکیں، اجلاس میں پی ایچ ڈی اور ایم فل کے طلباء کو بھی انڈومنٹ فنڈ میں شامل کرنے کے لیے سفارشات تیار کرنے کی ہدایت کی گئی، ایڈیشنل چیف سیکریٹری منصوبہ بندی و ترقیات ڈاکٹر عمر بابر نے پی ایس ڈی پی کے منصوبوں پر عملدرآمد کی پیش رفت کے حوالے سے کابینہ کو بریفنگ دیتے ہوئے بتایا کہ سپریم کورٹ کے احکامات کی روشنی میں ترقیاتی منصوبوں میں ناگزیر ترامیم اور تبدیلی کے ساتھ ساتھ اضافی فنڈز کی فراہمی کے لیے صوبائی کابینہ کی منظوری ضروری ہے، انہوں نے بتایا کہ سرنڈر کئے جانے والے فنڈز کو وزیراعلیٰ کی ہدایات کے مطابق جاری منصوبوں کے لیے مختص کرنے کی سفارشات کابینہ میں پیش کی جا رہی ہیں اور کابینہ کی منظوری کے بعد ان فنڈز کو جاری منصوبوں کی تکمیل کے لیے بروئے کار لایا جائے گا تاکہ انہیں رواں مالی سال میں مکمل کر کے عوام تک ان کے ثمرات پہنچائے جا سکیں، انہوں نے بتایا کہ رواں مالی سال کے بجٹ میں شامل ترقیاتی منصوبوں کے پی سی ون کی منظوری اور ان کے لیے فنڈز کے اجراء کے عمل کی رفتار میں اضافہ کیا گیا ہے جبکہ متعلقہ محکموں کو منصوبوں پر پیش رفت کو بھی تیز کرنے کی ہدایت کی گئی ہے، اس حوالے سے عملدرآمد اور مانیٹرنگ کمیٹی ترقیاتی منصوبوں کی نگرانی کر رہی ہے، انہوں نے بتایا کہ محکمہ منصوبہ بندی و ترقیات میں اصلاحات کا عمل جاری ہے جس کا مقصد پی ایس ڈی پی کے منصوبوں کی بروقت تکمیل کو یقینی بنانا ہے، اجلاس میں فیصلہ کیا گیا کہ آئندہ مالی سال میں ترقیاتی فنڈز کے اگست کے مہینے میں اجراء کو ہر صورت یقینی بنایا جائیگا ، اجلاس میں محکمانہ منصوبوں کے پی سی ون کی منظوری اور فنڈز کے اجراء کے عمل کی نگرانی کے لیے قائم کابینہ کی کور کمیٹی کا اجلاس فوری طور پر منعقد کرنے کا فیصلہ بھی کیا گیا، اجلاس سے خطاب کرتے ہوئے وزیراعلیٰ نے کہا کہ کابینہ صوبائی اسمبلی کے بعد سب سے بڑا اور اہم فورم ہے لہذا کابینہ کے فیصلوں پر من و عن عملدرآمد ضروری ہے ، وزیراعلیٰ نے کہا کہ ہم فنڈز کے ضیاع کے متحمل نہیں ہو سکتے، محکمے مختص فنڈز کے صحیح اور بروقت استعمال کو یقینی بنائیں، اجلاس میں صوبائی حکومت کی کارکردگی کے حوالے سے پلڈاٹ کی رپورٹ کو حوصلہ افزاء قرار دیا گیا جبکہ اراکین نے صوبائی حکومت کی کارکردگی کو وزیراعلیٰ بلوچستان کی قائدانہ صلاحیتوں کا مرہون منت قرار دیا ، اجلاس میں پیرا میڈیکس کے مطالبات کے حوالے سے جاری ہڑتال کا جائزہ لیتے ہوئے اس حوالے سے صوبائی وزیر صحت کی سربراہی میں قائم پارلیمانی کمیٹی کو پیرا میڈیکس ایسوسی ایشن کے ساتھ فوری طور پر مذاکرات کرنے کی ہدایت کی گئی۔متعلقہ عنوان :
مزید اہم خبریں
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
-
ایف بی آر، وزارت داخلہ کو تیل کی اسمگلنگ کے خلاف کریک ڈاؤن کرنے کی ہدایت
-
ن لیگ پنجاب نے نو از شریف کو پارٹی کی قیادت دوبارہ سنبھالنے کی درخواست کر دی
-
روپیہ مستحکم رکھنے کیلئے اسٹیٹ بینک نے مارکیٹ سے 5 ارب ڈالر خریدے
-
پابند سلاسل خواتین کیلئے ریلی نکالنا چاہتے ہیں، یہ قیدی وین کے دروازے کھولے کھڑے ہیں، عمرایوب
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ،سردار مسعود خان
-
مذہبی سیاحت کو فروغ دے کر سکھوں سمیت مذہبی مقامات پر غیر ملکیوں کو راغب کیا جاسکتا ہے ، وفاقی وزیر داخلہ محسن نقوی
-
سینٹ ، صدر کے مشترکہ اجلاس سے خطاب پر شکریہ ادا کرنے کی تحریک منظور
-
منفی پروپیگنڈا، ترقی و خوشحالی کیلئے کام کرنے سے نہیں روک سکتا، آرمی چیف
-
وزیر صحت خواجہ سلمان رفیق سے کنگ ایڈورڈ میڈیکل یونیورسٹی میں برطانیہ کی معروف جامعات کے وفد کی ملاقات
-
بینک دولتِ پاکستان کی زری پالیسی کمیٹی کا اجلاس 29 اپریل کو ہوگا
-
کل ہمارے یوم تاسیس پر پولیس کیک بھی اٹھا کر لے گئی تھی،بیر سٹر گوہر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.