وزیراعلیٰ پنجاب کی زیرصدارت اجلاس ، اورنج کیب سکیم کے اجراء اور ادائیگیوں کا ڈیجیٹل نظام کیلئے تجاویز کا جائزہ
کابینہ کمیٹی تشکیل دینے کی ہدایت،کابینہ کمیٹی دونوں پروگرامو ںکے بارے میں آئندہ چند روز میں حتمی تجاویز کریگی اورنج کیب سکیم کا اجراء رواں برس کیا جائے گا، سکیم کے تحت ایک لاکھ گاڑیاں بیروزگار نوجوانوں کو دی جائیں گی،سکیم سے ایک لاکھ نوجوانوں کو روزگار ملے گا،اپنا روزگار سکیم کے تحت نوجوانوں کو 50 ہزار گاڑیاں فراہم کی گئی ہیں جس سے انہیں باعزت روزگار ملا ہے ،گورننس اور شفافیت کے کلچر کو فروغ دیاگیا ہے، ترقیاتی منصوبوں میں معیاراور شفافیت کو یقینی بنایا گیا ہے ڈیجیٹل ادائیگیوں کے نظام کے تحت ای کارڈز کے ذریعے صارفین کو مختلف سروسز ملیں گی،وزیراعلیٰ شہباز شریف
جمعہ 21 اپریل 2017 22:39
(جاری ہے)
انہوں نے کہا کہ پنجاب حکومت نے اپنا روزگار سکیم کے تحت نوجوانوں کو 50 ہزار گاڑیاں فراہم کی ہیں۔
اپنا روزگار سکیم سے بیروزگار نوجوانوں کو باعزت روزگار ملا ہے اورروزگار ملنے سے ہزاروں خاندانوں کی سماجی حالت بہتر ہوئی ہے،اسی طرح ییلو کیب سکیم بھی سود مند ثابت ہوئی -حکومت نے دونوں سکیموں پر اربوں روپے کی سرمایہ کاری کی ہے ۔وزیراعلی نے ہدایت کی کہ سمال اینڈ میڈیم انٹرپرائزز کو فروغ دینے کیلئے تجاویز پیش کی جائیں۔انہوں نے کہاکہ روزگار کے مواقع بڑھانے کیلئے اٹھائے گئے اقدامات بارآور ثابت ہو رہے ہیں۔انہوں نے کہاکہ چھوٹے کاشتکاروں کو رعایتی نرخوں پر ٹریکٹرز کی فراہمی کا بھی جائزہ لیا جائے۔ انہوں نے کہاکہ سٹیٹ آف دی آرٹ ڈرائیونگ سکول وقت کی ضرورت ہے اور اس جانب تیزی سے اقدامات کئے جائیں۔وزیراعلی نے کہاکہ اپنا روزگار سکیم کامیاب رہی ہے، اس سکیم کو عوام میں بہت پذیرائی ملی ہے اور اس سکیم کے تحت ریکوری کا عمل سوفیصد ہے۔انہوں نے کہاکہ ییلوکیب اور اپنا روزگار سکیم کے تحت اربوں روپے کی سرمایہ کاری کے ثمرات عوام کو مل رہے ہیں۔انہوں نے کہا کہ پنجاب حکومت نے صوبے میں ای ۔گورننس اور شفافیت کے کلچر کو فروغ دیا ہے۔ ترقیاتی منصوبوں میں معیار، شفافیت کو یقینی بنایا گیا ہی- ڈیجیٹل ادائیگیوں کے نظام سے کرپشن کا خاتمہ ہوگا اور عوام کو سہولت ملے گی۔ڈیجیٹل ادائیگیوں کے نظام کے تحت ای کارڈز کے ذریعے صارفین کو مختلف سروسز ملیں گی۔اس جدید نظام سے فراڈ اور جعلسازی کا خاتمہ ہوگا۔ڈیجیٹل نظام کے ذریعے کسانوں کو ریلیف کی فراہمی اور قدرتی آفات سے پہنچنے والے نقصان کے ازالے کیلئے ادائیگیوں کے نظام میں بہتری آئے گی۔اجلاس میں صوبائی وزیر خزانہ ڈاکٹر عائشہ غوث پاشا، صدر بینک آف پنجاب نعیم الدین خان ، مشیر ڈاکٹر عمر سیف، چیئرمین بینک آف پنجاب، ایڈیشنل چیف سیکرٹری اور متعلقہ محکموں کے سیکرٹریز اور اعلی حکام نے شرکت کی۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.