ہیپاٹائٹس سے اموات کی شرح بڑھ رہی ہے،2015ء میں ہیپاٹائٹس سے اموات 13لاکھ 40ہزار کی بلند سطح پر پہنچ گئیں، 2000سے 2014ء تک ہیپاٹائٹس سے اموات کی شرح 22فیصد ریکارڈ کی گئی، ہیپاٹائٹس سے اموات میں اضافہ کی بڑی وجہ اس میں مبتلا لوگوں کی مرض بارے عدم آگاہی ہے، عالمی ادارہ صحت کی رپورٹ

جمعہ 21 اپریل 2017 17:06

جنیوا ۔ (اُردو پوائنٹ اخبارتازہ ترین - اے پی پی۔ 21 اپریل2017ء) دنیا بھر میں ہیپاٹائٹس کے مریضوں کی تعداد ساڑھے بتیس کروڑ ہو گئی ہے اور اس مرض سے اموات میں مسلسل اضافہ ہو رہا ہے، یہ بات عالمی ادارہ صحت کی طرف سے جاری ایک رپورٹ میں بتائی گئی۔

(جاری ہے)

رپورٹ کے مطابق 2015ء کے دوران ہیپاٹائٹس سے اموات 13لاکھ 40ہزار کی بلند سطح پر پہنچ گئیں جو ایڈز اور ٹی بی جیسے مہلک امراض سے اموات کے لگ بھگ ہیں لیکن ان دونوں امراض سے اموات کی شرح کم جبکہ ہیپاٹائٹس سے اموات کی شرح بڑھ رہی ہے اور یہ صورت حال اس بات کا تقاضا کرتی ہے کہ انسانیت کے لئی اس بڑے خطرے پر فوری توجہ دی جائے۔

رپورٹ کے مطابق 2000سے 2014ء تک ہیپاٹائٹس سے اموات کی شرح 22فیصد ریکارڈ کی گئی۔ ہیپاٹائٹس سے اموات میں اضافہ کی بڑی وجہ اس میں مبتلا لوگوں کی مرض بارے عدم آگاہی ہے۔ بروقت علاج نہ ہونے کی صورت میں یہ مرض جگر کے کینسر کی صورت اختیار کر سکتا ہے۔ ہیپاٹائٹس سی کے پھیلائو کی بڑی وجہ آلودہ سرنجوں کا استعمال بتائی گئی ہے۔

Facebook Twitter Google + Share on Whatsapp

متعلقہ عنوان :

مزید بین الاقوامی خبریں