جمعتہ المبارک کے موقع پر سخت سکیورٹی انتظامات کیے گئے

جمعہ 21 اپریل 2017 17:01

لاہور(اُردو پوائنٹ اخبارتازہ ترین - این این آئی۔ 21 اپریل2017ء)ڈی آئی جی آپریشنز ڈاکٹر حیدراشرف نے کہا ہے کہ لاہور پولیس شہر یوں کے جان و مال کے تحفظ کی خاطر تمام تر وسائل بروئے کار لا رہی ہے اور تمام افسران و اہلکار دہشتگردی کے خلاف جنگ میں اہم کردار ادا کر رہے ہیں۔ ملک دشمن عناصر کے خلاف جنگ میں عوام کا تعاون کلیدی کردار ادا کرتا ہے۔

(جاری ہے)

جمعتہ المبارک کے موقع پر فول پروف حفاظتی انتظامات کیے گئے ہیںاور مساجد وا مام بارگاہوں میں آنے والے تمام افراد کو جسمانی تلاشی کے بعدداخلے کی اجازت دی گئی۔

حفاظتی انتظامات کو یقینی بنانے کیلئے 7ہزار سے زائد اہلکاروں نے فرائض سر انجام دیئے۔ تمام ڈویژنل ایس پیز نے اپنے علاقہ جات میں مساجدو امام بارگاہوںکا دورہ کر کے حفاظتی انتظامات کا جائزہ لیا ۔ ڈولفن و پولیس رسپانس یونٹ کے جوانوں نے بھی حفاظتی انتظامات کو یقینی بنانے کے لئے شہر کی اہم شاہرائوں پر گشت کیا۔

Facebook Twitter Google + Share on Whatsapp

جمعتہ المبارک کے موقع پر سخت سکیورٹی انتظامات کیے گئے

مزید قومی خبریں