حامد کاظمی ،رائو شکیل اور آفتاب الاسلام کی حج کرپشن کیس میں ہائی کورٹ کا فیصلہ سپریم کورٹ میں چیلنج

جمعہ 21 اپریل 2017 16:32

ا سلام آباد (اُردو پوائنٹ اخبارتازہ ترین - آن لائن۔ 21 اپریل2017ء) فیڈرل انوسٹی گیشن ایجنسی( ایف آئی ای) نے سابق وفاقی وزیر حامد سعید کاظمی،ڈائریکٹر جنرل حج رائو شکیل احمد ،اور سابق جوائنٹ سیکٹری وزارت مذہبی امور آفتاب الاسلام راجہ کی حج کرپشن کیس سے بریت سے متعلق اسلام آباد ہائی کورٹ کے فیصلے کو چیلنج کرتے ہوئے ملزمان کی بریت کے خلاف سپریم کورٹ میں اپیل دائر کردی، جمعہ کے روز ڈائریکٹرجنرل ایف آئی کی جانب سے دائر درخواست میں موقف اختیار کیا گیا ہے کہ اسلام آباد ہائکورٹ کا فیصلہ حقائق پر مبنی نہیںہے مقدمے میں ہائی ئیکورٹ نے مکمل شواہد کا جائزہ نہیں لیا ہائیکورٹ کا فیصلہ کیس کی ایک رخ کو سامنے رکھ کر دیا گیا،ا پراسیکوشن کے پاس ملزمان کے خلاف ٹھوس شواہد موجود ہیں، مقدمہ کے گواہان نے ملزمان حامد سعید کاظمی،رائو شکیل احمد اور آفتاب الاسلام سے متعلق براہ راست گواہیاں دیں ہیں، درخواست میں ایف آئی اے نے عدالت عظمیٰ سے استدعا کی ہے کہ 20مارچ کو اسلام آباد ہائکورٹ کی جانب سے ملزمان کے حوالے سے دیا گیافیصلہ کالعدم قرار دیتے ہوئے ٹرائل کورٹ کی سزا بحال کی جاے ۔