نئے ٹو آپریٹر کو قانون کے مطابق حج کوٹے میں حصہ دینے کا حکم ،سپریم کورٹ کا مختصر فیصلہ جاری

جمعہ 21 اپریل 2017 16:32

اسلام آباد (اُردو پوائنٹ اخبارتازہ ترین - آن لائن۔ 21 اپریل2017ء) سپریم کورٹ نے حج ٹور آپریٹر کی درخواستیں نمٹاتے ہوئے حکومت کو نئے ٹو آپریٹر کو قانون کے مطابق حج کوٹے میں حصہ دینے کا حکم دیدیا ہے ، کیس کا مختصر فیصلہ جسٹس اعجاز افضل نے پڑھ کر سنایا ہے ، عدالت کا کہنا تھا کہ تفصیلی فیصلہ بعد میں جاری کیا جائے گا ۔

(جاری ہے)

جمعہ کو حج ٹو ر آپریٹر کی جانب سے توہین عدالت کیس کی سماعت شروع ہوئی تو ٹور آپریٹر کے وکیل بیرسٹر علی ظفر نے موقف اختیار کیا کہ کوٹہ نہ دیا جانا عدالتی فیصلے کی خلاف ورزی ہے، ،حکومت نے حج مافیا کے ساتھ پچاس فیصد کوٹے کا معاہدہ کیا تھا، کوٹہ کے حامل آپریٹرز نے کوٹہ چالیس فیصد کرنے کو چیلنج کیا تھا جبکہ عابد زبیر ایڈووکیٹ کا کہنا تھا کہ کوٹہ الاٹ منٹ کمیٹی کا فیصلہ متفقہ ہونا ضروری تھا،،مسابقتی کمیشن نے نجی آپریٹرز کا کوٹہ پچاس فیصد کرنے کی سفارش کی تھی، اس پر ڈپٹی اٹارنی جنرل نے موقف اختیار کیا کہ عدالتی فیصلے کے مطابق کمیٹی کا متفقہ فیصلہ ضروری نہیں، نئے ٹور پریٹرز کی دوبارہ سکروٹنی ہوگی، اس پر جسٹس اعجازافضل نے کہا کہ سکروٹنی پہلے رجسٹریشن کے وقت کیوں نہیں کی گئی، واضح رہے کہ ٹور آپریٹرز نے کوٹہ نہ ملنے پر توہین عدالت کی درخواست دائر کر رکھی تھی