شیخ رشید وزیر اعظم کے استعفے کے مطالبے پر اپوزیشن جماعتوں کا گرینڈ الائنس بنانے کیلئے سرگرم

جمعہ 21 اپریل 2017 15:39

اسلام آباد(اُردو پوائنٹ اخبارتازہ ترین - آئی این پی۔ 21 اپریل2017ء) عوامی مسلم لیگ کے سربراہ شیخ رشید احمد وزیر اعظم کے استعفے کے مطالبے پر اپوزیشن جماعتوں کا گرینڈ الائنس بنانے کیلئے سرگرم ہوگئے اور پاکستان تحریک انصاف کے احتجاج اور اسلام آباد جلسے میں شرکت کا اعلان کرتے ہوئے کہا ہے کہ(ن) لیگ کی طرف سے مٹھائیاں بانٹنے کی سمجھ نہیں آئی، پپو 2مضامین میں مکمل فیل ہے، 3میں سپلی ہے تو اسے پاس کیسے کہا جا سکتا ہے۔

وہ جمعہ کو پارلیمنٹ ہائوس کے باہر میڈیا سے گفتگو کر رہے تھے۔

(جاری ہے)

انہوں نے کہا کہ وزیر اعظم کے خلاف اپوزیشن جماعتوں کیساتھ ملکر احتجاج کریں گے،ہم پارلیمنٹ میں بھی لڑیں گے اور سڑکوں پر بھی آئیں گے۔ انہوں نے کہا کہ سپریم کورٹ کے اگلے چیف جسٹس نے وزیراعظم کو ناہل کیا ہے، وزیر اعظم کے پاس عہدے پر رہنے کا کوئی اخلاقی جواز نہیں رہتا،وزیر اعظم کے استعفے کے مطالبے پر اپوزیشن جماعتوں کا گرینڈ الائنس بنائیں گے، پاکستان تحریک انصاف کے احتجاج اور اسلام آباد جلسے میں شرکت کروں گا۔ انہوں نے کہا ہے کہ(ن) لیگ کی طرف سے مٹھائیاں بانٹنے کی سمجھ نہیں آئی، پپو 2مضامین میں مکمل فیل ہے، 3میں سپلی ہے تو اسے پاس کیسے کہا جا سکتا ہے۔