پانامہ لیکس کی تحقیقات کیلئے قائم ہونے والی جے آئی ٹی کا سربراہ کون ہو گا
تازہ ترین : 1
پانامہ لیکس کی تحقیقات کیلئے قائم ہونے والی جے آئی ٹی کا سربراہ کون ..

پانامہ لیکس کی تحقیقات کیلئے قائم ہونے والی جے آئی ٹی کا سربراہ کون ہو گا

ایف آئی اے میں ایڈیشنل ڈائریکٹر جنرل کے عہدے پر 3 افسران کام کر رہے ہیں ‘ تینوں افسروں کا تعلق پولیس سروس آف پاکستان سے، واجد ضیاء ‘ کیپٹن احمد لطیف اور ڈاکٹر شفیق شامل

اسلام آباد(اُردو پوائنٹ اخبارتازہ ترین۔ 21 اپریل2017ء) پانامہ لیکس کی تحقیقات کیلئے قائم ہونے والی جے آئی ٹی کا سربراہ کون ہو گا ‘ ایف آئی اے میں ایڈیشنل ڈائریکٹر جنرل کے عہدے پر 3 افسران کام کر رہے ہیں ‘ تینوں افسروں کا تعلق پولیس سروس آف پاکستان سے ہے۔ ان افسروں میں واجد ضیاء ‘ کیپٹن احمد لطیف اور ڈاکٹر شفیق شامل ہیں۔ واجد ضیاء ‘ کیپٹن احمد لطیف گریڈ 21 جبکہ ڈاکٹر شفیق گریڈ 20 میں ہیں۔

واجد ضیاء طویل عرصہ سے ایف آئی اے میں تعینات ہیں۔ وہ وائٹ کالر کرائمز ‘ اکنامک کرائمز اور اینٹی منی لانڈرنگ جیسے کیسوں کی تفتیش میں وسیع تجربہ اور اچھی شہرت رکھتے ہیں۔ ذرائع کا کہنا ہے کہ ڈی جی ایف آئی اے مذکورہ تینوں افسروں کے ناموں پر مشتمل پینل سپریم کورٹ کو بھجوائیں گے اور سپریم کورٹ ہی جے آئی ٹی کے سربراہ کا تعین کرے گی تاہم ذرائع کا کہنا ہے کہ واجد ضیاء کو جے آئی ٹی کی سربراہی ملنے کے زیادہ امکانات ہیں۔ واضح رہے کہ واجد ضیاء سنگین غداری کیس میں پرویز مشرف کے خلاف ہونے والی انکوائری کمیٹی کے سربراہ بھی رہ چکے ہیں جبکہ وزارت داخلہ بھی ان کو انتہائی اہم ٹاسک سونپتی رہتی ہے۔
وقت اشاعت : 21/04/2017 - 15:39:56

اپنی رائے کا اظہار کریں