تحریک انصاف نے پاکستان کی سیاست میں جھوٹ کا طوفان برپاکر رکھا ہے، عابد شیر علی

جمعرات 20 اپریل 2017 15:25

اسلام آباد (اُردو پوائنٹ اخبارتازہ ترین - آئی این پی۔ 20 اپریل2017ء) وزیرمملکت پانی و بجلی عابد شیر علی نے کہا ہے کہ تحریک انصاف نے گذشتہ آٹھ ماہ سے پاکستان کی سیاست میں جھوٹ کا طوفان برپاکر رکھا ہے،تحریک انصاف نوازشریف اور ملکی ترقی سے خائف ہے،عمران خان نے اعتراف کیا کہ ان کے پاس کوئی ثبوت نہیں،اربوں روپے لوتنے والوں کو تاج پہنائے گئے،ملکی ترقی کیلئے کام کرنے والوں پر الزامات لگائے گئے،کرپشن کا ایوارڈ کسی کو ملا تو وہ آصف زرداری کو ملے گا۔

(جاری ہے)

جمعرات کو سپریم کورٹ کے باہر میڈیا سے گفتگو کرتے ہوئے عابد شیر علی نے کہا کہ تحریک انصاف نے گذشتہ آٹھ ماہ سے پاکستان کی سیاست میں جھوٹ کا طوفان برپاکر رکھا ہے،عدالتیں ثبوتوں پر فیصلے کرتی ہیں،الزامات پر نہیں،عمران خان نے اعتراف کیا کہ ان کے پاس کوئی ثبوت نہیں ہے۔انہوں نے کہا کہ تحریک انصاف نوازشریف اور ملکی ترقی سے خائف ہے،اربوں روپے لوتنے والوں کو تاج پہنائے گئے،ملکی ترقی کیلئے کام کرنے والوں پر الزامات لگائے گئے،عدالتیں اخباری تراشوں پر فیصلے نہیں کرتیں،کرپشن کا ایوارڈ کسی کو ملا تو وہ آصف زرداری کو ملے گا۔